غنیٰ علی نے کم عمر میں جلد شادی کو کیوں ترجیح دی؟

غنیٰ علی کی شاد ی اور ذاتی زندگی پر گفتگو

کراچی(ڈیلی پاکستان آن لائن) غنیٰ علی نے اپنی جلد اور کم عمری کی شادی پر اظہارِ خیال کرتے ہوئے کہا ہے کہ شوبز سے تعلق رکھنے والے افراد کو شادی کے بعد ایک قسم کا تحفظ ملتا ہے۔

یہ بھی پڑھیں: اڈیالہ جیل میں قیدیوں سے ملاقاتوں پر پابندی میں توسیع

شادی کی وجہ اور وقت

جنگ کے مطابق نامور پاکستانی اداکارہ غنیٰ علی اپنے جاندار اور منفی کرداروں کے باعث شہرت رکھتی ہیں۔ حال ہی میں ایک پوڈکاسٹ میں شریک ہوئیں جہاں انہوں نے اپنی شادی اور ذاتی زندگی سے متعلق کئی اہم انکشافات کیے۔

شادی کی وجہ اور وقت کے بارے میں گفتگو کرتے ہوئے غنیٰ علی نے بتایا کہ میں اللّٰہ کی شکر گزار ہوں کہ مجھے ایک اچھا جیون ساتھی وقت پر ملا۔ میں 26 سال کی عمر میں خود کو تنہا محسوس کرنے لگی تھی اور کسی کے ساتھ کے لئے دُعا کرنا شروع کی۔ بار بار کی گئی دُعا کے بعد اللّٰہ نے میری بات سن لی اور مجھے وہ شخص عطا کیا جس کے ساتھ میں خوشی سے گھر بسا رہی ہوں۔

یہ بھی پڑھیں: بھارت نے ارشد ندیم کا اکاؤنٹ بھی بلاک کردیا

شادی کے بعد کا تحفظ

اداکارہ نے کہا کہ شادی کے بعد انسان کو ایک قسم کا تحفظ ملتا ہے، خاص طور پر شوبز انڈسٹری میں، لوگ آپ کو زیادہ عزت کی نگاہ سے دیکھتے ہیں۔

یہ بھی پڑھیں: نادیہ خان نے اپنا مہنگا شوق بتا کر مشکل میں ڈال دیا

عزت اور خود کی حدود

غنیٰ علی نے بتایا کہ میرے شوہر مجھے ہمیشہ سمجھاتے ہیں کہ اگر عورت خود کو محدود رکھے، حدود کا خیال رکھے تو لوگ بھی اس کی عزت کرتے ہیں۔ اگر کوئی لڑکی ضرورت سے زیادہ کھل کر بات کرے یا ہر کسی کے ساتھ ہنسی مذاق کرے تو وہ سنجیدگی کھو بیٹھتی ہے۔

عزت کی پہچان

اداکارہ نے مزید کہا کہ مجھے لگتا ہے کہ عورت کو اپنی عزت خود بنانی پڑتی ہے۔ ہر تقریب یا پارٹی میں جانا ضروری نہیں، نہ ہر وقت سب کے لیے دستیاب ہونا مناسب ہے۔ اخلاقیات اور وقار ہر عورت کی پہچان ہونی چاہیے ہیں۔