کے پی حکومت نے مریم نواز کی ائیر ایمبولنس کے مقابلے میں رکشہ چلا دیا : عظمٰی بخاری

وزیر اطلاعات پنجاب کا بیان

لاہور(ڈیلی پاکستان آن لائن )وزیر اطلاعات پنجاب عظمیٰ بخاری نے کہا ہے کہ جب وزیراعلیٰ پنجاب مریم نواز عوام کی خدمت کے لیے جدید ائیر ایمبولینس متعارف کرا رہی ہیں، تو کے پی حکومت اس کے مقابلے میں صرف رکشہ چلانے پر اکتفا کر رہی ہے، جو دونوں حکومتوں کی ترجیحات کا واضح فرق ظاہر کرتا ہے۔

یہ بھی پڑھیں: فیلڈ مارشل عاصم منیر امریکہ جانے کی بجائے ہنگامی طور پر سعودی عرب پہنچ گئے” سینئر صحافی رضوان رضی کا دعویٰ

فیلڈ مارشل عاصم منیر کی ملاقات پر تبصرہ

عظمیٰ بخاری نے فیلڈ مارشل عاصم منیر کی امریکی سابق صدر ڈونلڈ ٹرمپ سے ملاقات پر تبصرہ کرتے ہوئے کہا کہ اس ملاقات پر جہاں مودی کی حکومت اور تحریکِ فساد کو پریشانی لاحق ہے، وہیں پوری پاکستانی قوم اس پر خوش ہے۔ دنیا کی طاقتور قوموں کے رہنما جب بین الاقوامی سطح پر عزت حاصل کرتے ہیں، تو یہ صرف ان کے ملکی کردار، وقار اور خدمات کی بنیاد پر ممکن ہوتا ہے، جیسے کہ فیلڈ مارشل کو امریکہ میں دی جانے والی عزت اس بات کا مظہر ہے۔

یہ بھی پڑھیں: اسلام آباد میں بارش، طوفان بادوباراں اور آندھی کا امکان

پنجاب کی ترقی

پنجاب کی ترقی کا ذکر کرتے ہوئے انہوں نے کہا کہ وزیراعلیٰ مریم نواز کی قیادت میں ترقی کا سفر عروج پر ہے، اور حالیہ اقدام کے طور پر 911 گاڑیاں ’’کلینک آن ویلز‘‘ فلیٹ میں شامل کی گئی ہیں تاکہ عوام کو فوری طبی امداد فراہم کی جا سکے۔

یہ بھی پڑھیں: عمران خان نے پی آئی اے کو تباہ کیا، شہباز شریف نے منافع بخش بنایا: خواجہ آصف

بجٹ کی تفصیلات

ان خیالات کا اظہار انہوں نے ڈی جی پی آر صوبائی وزیر لیبر اینڈ سپورٹس ملک فیصل ایوب کے ہمراہ پریس کانفرنس کرتے ہوئے کیا۔ انہوں نے کہا کہ وزیراعلیٰ مریم نواز کی قیادت میں پنجاب حکومت نے ایک متوازن، ٹیکس فری اور عوام دوست بجٹ پیش کیا ہے جو حقیقی معنوں میں عوامی فلاح و بہبود کی عکاسی کرتا ہے۔ یہ بجٹ نہ صرف تنخواہ دار طبقے کو ریلیف فراہم کرتا ہے بلکہ ٹیکس نیٹ کو وسعت دے کر معیشت کو مضبوط بنانے کی بنیاد رکھتا ہے۔ انہوں نے واضح کیا کہ غیر فائلر افراد کو ٹیکس نیٹ میں لانے کے لیے مربوط حکمت عملی اپنائی جا رہی ہے تاکہ نظام میں شفافیت لائی جا سکے۔ تعلیم، صحت، صفائی، اور ٹرانسپورٹ کے شعبوں میں نمایاں سرمایہ کاری کی جا رہی ہے۔’’ستھرا پنجاب‘‘ مہم کے تحت عیدالاضحیٰ کے دوران صفائی کے بہترین انتظامات کیے گئے ہیں جبکہ جلد ہی 1,100 ماحول دوست نئی بسیں سڑکوں پر ہوں گی۔

وزیر اعلیٰ کا وژن

انہوں نے وزیراعلیٰ مریم نواز کے وژن کو سراہتے ہوئے کہا کہ وہ ہر عوامی روپے کو امانت سمجھ کر بروئے کار لا رہی ہیں اور شفاف طرزِ حکمرانی کے ذریعے پنجاب کو ترقی کی راہ پر گامزن کر چکی ہیں۔ پریس کانفرنس کے اختتام پر ان کا کہنا تھا کہ پنجاب حکومت ہر طبقے کی ترقی اور بہتری کے لیے اپنے اقدامات جاری رکھے گی۔