فلم شوٹنگ سے قبل جنات نے دھکا دے کر زخمی کردیا تھا : ثمینہ پیرزادہ

ثمینہ پیرزادہ کی دلچسپ کہانی

کراچی(ڈیلی پاکستان آن لائن) حال ہی میں ہارر فلم ’دیمک‘ میں شاندار اداکاری کے جوہر دکھانے والی سینئر اداکارہ ثمینہ پیرزادہ نے انکشاف کیا ہے کہ مذکورہ فلم کی شوٹنگ سے قبل جنات نے انہیں دھکا دے کر زخمی کردیا تھا۔

یہ بھی پڑھیں: وزیر خارجہ اسحاق ڈار کا ازبک ہم منصب سے رابطہ، علاقائی صورتحال پر تبادلہ خیال

فلم ’دیمک‘ کا کردار

ڈان کے مطابق ’دیمک‘ کو عید الاضحیٰ پر ریلیز کیا گیا تھا، جس میں ثمینہ پیرزادہ نے فیصل قریشی کی والدہ اور سونیا حسین کی ساس کا کردار ادا کیا تھا اور انہیں ایک ایسی خاتون کے روپ میں دکھایا گیا تھا، جن پر مبینہ طور پر جنات کا سایہ ہوتا ہے۔

یہ بھی پڑھیں: دوسری جنگ عظیم کے 104 سالہ فوجی کی اپنی سالگرہ میں ٹرمپ کی شرکت کی خواہش، لیکن پھر امریکی صدر نے ایسا کام کردیا کہ دل جیت لیے

ایڈونچر کے دوران حادثہ

فلم میں ثمینہ پیرزادہ نے شاندار اداکاری کے جوہر دکھائے اور شائقین نے ان کی تعریفیں بھی کیں۔ اب انہوں نے ایک انٹرویو کے دوران انکشاف کیا ہے کہ جنات کی کہانی پر بنائی گئی فلم کی شوٹنگ سے قبل ہی جنات نے انہیں دھکا دے کر زخمی کردیا تھا۔

یہ بھی پڑھیں: عمران خان کا کہنا ہے قوم خود کو تیار کر لے، اب آزادی یا موت کا وقت آگیا ہے، علیمہ خان

مذاق رات میں تجربات کا اشتراک

ثمینہ پیرزادہ حال ہی میں مزاحیہ شو’مذاق رات‘ میں شریک ہوئیں جہاں انہوں نے کیریئر سمیت فلموں میں واپسی اور ’دیمک‘ کی کہانی اور شوٹنگ کی یادوں پر بھی بات کی۔ ایک سوال کے جواب میں انہوں نے بتایا کہ دیمک کی شوٹنگ سے قبل ہی وہ گھر میں ہی تھیں کہ اچانک ان پر ان دیکھی طاقت یعنی جنات نے حملہ کردیا۔

یہ بھی پڑھیں: کراچی میں بھتہ خوری کا منظم نیٹ ورک جیل میں بننے کا انکشاف

حادثے کی تفصیلات

انہوں نے بتایا کہ انہوں نے گھر کے پچھلے گارڈن میں رات کو بند لائٹ دیکھی تو کسی کو آواز دینے کے بجائے وہ خود لائٹ چلانے گئیں، جہاں ان کے ساتھ ناخوشگوار واقعہ پیش آیا۔ اداکارہ کے مطابق وہ لائٹ چلانے کے بعد واپس آ رہی تھیں کہ اچانک پیچھے سے کسی نے انہیں زوردار دھکا دیا اور وہ کافی دور جاکر گریں۔

یہ بھی پڑھیں: لاہور ہائیکورٹ سے کوئی بھی جج استعفیٰ دینے کو تیار نہیں، میاں داؤد ایڈووکیٹ

چوٹیں اور شوٹنگ کا عزم

ان کا کہنا تھا کہ دور جاکر گرنے سے انہیں شدید چوٹیں لگیں، ان کے گھٹنے چھیل گئے، انہیں کمر، ہاتھ اور چہرے پر بھی چوٹیں لگیں۔ ثمینہ پیرزادہ نے بتایا کہ چوٹیں لگنے کے بعد اگلے ہی دن وہ پٹیاں کروانے کے بعد زخمی حالت میں ہی ’دیمک‘ کی شوٹنگ کرنے چلی گئیں۔

جنات کا چیلنج

انہوں نے مسکراتے ہوئے بتایا کہ انہیں جنات پر بنائی جانے والی فلم کی شوٹنگ سے قبل جنات نے آکر دھکا دیا اور کہا کہ ہم دیکھتے ہیں آپ کیسے ہمارے اوپر بننے والی فلم میں کام کرتی ہیں؟