پاکستان دہشت گردی کے خلاف عالمی جنگ میں صفِ اول پر رہا ہے: فیلڈ مارشل

فیلڈ مارشل عاصم منیر کا بیان

راولپنڈی(ڈیلی پاکستان آن لائن) فیلڈ مارشل سید عاصم منیر نے کہا ہے کہ پاکستان دہشت گردی کیخلاف عالمی جنگ میں صفِ اول پر رہا ہے۔

یہ بھی پڑھیں: ویمنز ورلڈکپ کوالیفائرز کی ٹیم آف دی ٹورنامنٹ کا اعلان، فاطمہ ثنا کپتان مقرر

امریکا کا سرکاری دورہ

پاک فوج کے شعبہ تعلقات عامہ (آئی ایس پی آر) کے مطابق، فیلڈ مارشل عاصم منیر کا امریکا کا سرکاری دورہ جاری ہے۔ اس دوران فیلڈ مارشل نے واشنگٹن ڈی سی میں سینئر سکالرز، تجزیہ کاروں، پالیسی ماہرین، اور بین الاقوامی میڈیا نمائندوں سے ملاقات کی۔ ملاقات کے دوران علاقائی اور عالمی مسائل سمیت اہم امور پر تبادلہ خیال کیا گیا۔

یہ بھی پڑھیں: رافیل گرانے کے بعد جے 10 بنانے والی چینی کمپنی کے شیئرز میں بھاری اضافہ

امن و استحکام کی کوششیں

آئی ایس پی آر کے مطابق، فیلڈ مارشل نے علاقائی امن و استحکام کے لیے پاکستان کے غیر متزلزل عزم کو اجاگر کیا۔ انہوں نے معرکۂ حق اور "آپریشن بنیان مرصوص" کی تفصیلات اور تجزیے پر روشنی ڈالی۔

یہ بھی پڑھیں: ایکواٹوریل گنی کے سیکس ٹیپ سکینڈل نے صدر، وزرا اور فوجی افسران کی بیویاں بھی متاثر کیں

پاکستان کا موقف

فیلڈ مارشل عاصم منیر نے دہشت گردی کے حوالے سے پاکستان کا موقف بیان کیا۔ اس موقع پر انہوں نے علاقائی عناصر کے ہائبرڈ وارفیئر کے تحت دہشتگردی کی سرپرستی کرنے والے منفی کردار کا ذکر کیا۔

شہادتیں اور قربانیاں

فیلڈ مارشل عاصم منیر نے کہا کہ پاکستان عالمی دہشت گردی کے خلاف جنگ میں صفِ اول پر رہا ہے اور اس نے دہشتگردی کے خلاف جنگ میں بے پناہ قربانیاں دی ہیں۔