گورنر ہاؤس کے دفتر کی بندش کا معاملہ، کامران ٹیسوری اور ترجمان کا موقف بھی سامنے آ گیا

کراچی (ڈیلی پاکستان آن لائن) گورنر ہاؤس سندھ کے دفتر کی بندش کے معاملے پر کامران ٹیسوری اور ترجمان گورنر ہاؤس کا موقف بھی سامنے آ گیا۔

کامران ٹیسوری کا بیان

نجی ٹی وی سما نیوز کے مطابق کامران ٹیسوری نے کہا ہے کہ گورنر ہاؤس ہمیشہ عوام کیلئے کھلا ہے، اویس قادر شاہ بطور سپیکر اور ذاتی حیثیت میں قابل احترام ہیں۔

ترجمان گورنر ہاؤس کا وضاحت

ترجمان گورنر ہاؤس سندھ نے کہا ہے کہ اویس قادر شاہ کو صورتحال کے حوالے سے غلط فہمی ہوئی ہے۔ اجلاس میں شرکت کیلئے سیکرٹری داخلہ کانفرنس روم میں موجود تھے، جبکہ آئی جی، ڈی آئ جیز، اور سپیشل برانچ کے افسران بھی وہاں موجود تھے۔ قائم مقام گورنر کیلئے مخصوص دفتر پیشگی طور پر تیار تھا۔ ترجمان نے مزید وضاحت دی کہ اگر مرکزی دفتر استعمال کرنا مقصود تھا تو بروقت آگاہ کیا جاتا تو انتظام کردہ جا سکتا تھا۔ گورنر سندھ نے پرنسپل سیکرٹری کو 24 گھنٹوں میں انکوائری کی ہدایت دی ہے۔