امریکی حملے کے بعد ایران کا اسرائیل پر میزائلوں اور ڈرونز سے حملہ

ایران کا اسرائیل پر میزائل اور ڈرون حملہ

تہران (ڈیلی پاکستان آن لائن) ایران نے امریکی حملوں کے جواب میں اسرائیل پر نئے میزائل اور ڈرون حملے شروع کر دیے ہیں۔ نجی ٹی وی جیو نیوز کے مطابق عرب میڈیا نے اطلاع دی ہے کہ تل ابیب سمیت اسرائیل بھر میں جنگی سائرن بجنا شروع ہوگئے ہیں اور فضائی دفاعی نظام کو فعال کر دیا گیا ہے۔

یہ بھی پڑھیں: پی ٹی آئی کے اس احتجا ج کا نتیجہ بھی پہلے جیسا ہوگا، طلال چودھری کا دعویٰ

حیفا اور تل ابیب میں دھماکے

خبر ایجنسی کی رپورٹ کے مطابق اسرائیلی شہر حیفا پر متعدد ایرانی میزائل گرنے کی اطلاعات ملی ہیں، جبکہ تل ابیب میں بھی متعدد دھماکوں کی آوازیں سنی گئی ہیں۔ اسرائیلی میڈیا کے مطابق ایران کے تازہ میزائل حملوں کے نتیجے میں اسرائیل کے مختلف حصوں میں نقصانات رونما ہوئے ہیں۔

یہ بھی پڑھیں: بھارت کبھی نہیں چاہتا تھا مسئلہ کشمیر کا معاملہ اٹھے: شیری رحمان

پاسداران انقلاب کا حملہ

ایرانی میڈیا کے مطابق ایرانی پاسداران انقلاب نے اتوار کی صبح اسرائیل پر جوابی میزائل اور ڈرون حملوں کا نیا سلسلہ شروع کیا ہے۔ پاسداران انقلاب کے ترجمان نے بتایا کہ حیفا اور تل ابیب میں اسرائیل کے 14 سٹریٹجک اہداف کو نشانہ بنایا گیا۔ ان حملوں کو اب تک کے سب سے کامیاب حملوں میں شمار کیا جا رہا ہے۔

یہ بھی پڑھیں: اسلام آباد میں کام کرنے والے شخص کی ٹکڑوں میں بٹی لاش کامونکی سے برآمد: پولیس ایک ماہ میں ملزمان تک کیسے پہنچی؟

اہداف میں مختلف مقامات

ترجمان پاسداران انقلاب کا کہنا ہے کہ حیفا میں طویل فاصلے تک مار کرنے والے قادر-ایف میزائلوں کو استعمال کرتے ہوئے اسرائیلی فوج کی سافٹ ویئر کمپنیوں کے دفاتر، پاور پلانٹ، آئل ریفائنری، ایئربیس، اسرائیلی سائبر کمانڈ، اور رافائل ایڈوانسڈ ڈیفنس سسٹمز کے ہیڈکوارٹر کو نشانہ بنایا گیا۔ عرب میڈیا کے مطابق، حملوں میں تل ابیب اور حیفا سمیت کئی اسرائیلی علاقوں میں عمارتوں کو براہ راست نشانہ بنایا گیا۔ ایران نے اسرائیل پر تازہ میزائل حملے میں 20 سے 40 بیلسٹک میزائلوں کا استعمال کیا۔

امریکی حملے کا اثر

واضح رہے کہ اتوار کی صبح امریکہ نے ایران کی فردو، نطنز اور اصفہان جوہری سائٹس کو نشانہ بنایا، جس کے بارے میں ٹرمپ نے سوشل میڈیا پر بیان جاری کیا۔ ایرانی حکام نے بتایا کہ امریکی حملے سے قبل ہی جوہری تنصیبات کو خالی کر لیا گیا تھا۔ اسرائیلی میڈیا کے مطابق، ایران کے میزائل حملوں سے اسرائیل کے 10 مختلف مقامات پر نقصانات ہوئے ہیں۔