ٹرمپ کی نوبل انعام کیلئے نامزدگی غلامی کی آخری حد ہے: بیرسٹر سیف

ڈونلڈ ٹرمپ کی نوبل انعام کے لئے نامزدگی

پشاور(ڈیلی پاکستان آن لائن)مشیر اطلاعات خیبرپختونخوا بیرسٹر ڈاکٹر سیف نے کہا ہے کہ ڈونلڈ ٹرمپ کی نوبل انعام کے لئے نامزدگی غلامی کی آخری حد ہے۔

یہ بھی پڑھیں: سونا 14ہزار100روپے مہنگا، فی تولہ قیمت ساڑھے 4لاکھ سے بھی تجاوز کر گئی

شہباز شریف اور خوشامد

نجی ٹی وی چینل دنیا نیوز کے مطابق اپنے بیان میں بیرسٹر سیف کا کہنا تھا کہ شہبازشریف خوشامد چھوڑ کر ’ایبسولوٹلی ناٹ‘ کہنے کی ہمت پیدا کریں، اقتدار کیلئے خوشامد کے بجائے قیدی نمبر 804 بن جانا کہیں بہتر ہے۔ انہوں نے کہا کہ شہباز شریف خوشامد ضرور کریں مگر ملکی و قومی مفادات کا بھی خیال رکھیں۔

یہ بھی پڑھیں: سرکاری ملازمین کو پلاٹ دینے کیلئے منصوبہ طلب

ٹرمپ کے اقدامات پر تنقید

انہوں نے کہا کہ شہباز شریف کے نوبل انعام یافتہ صدر ڈونلڈ ٹرمپ نے ایران پر براہِ راست حملہ کیا، صدر ٹرمپ نے 8 مرتبہ غزہ میں جنگ بندی کی قراردادوں کو مسترد کیا ہے۔

یہ بھی پڑھیں: جرمنی اور چین کے ڈیزائن پر مبنی، اب تک 2200 سے زیادہ نئی کوچز بنائی جا چکی ہیں، تقریباً اتنی ہی پرانی اور متروک بوگیوں کی تجدید نو کر کے پٹریوں پر چلا دیا گیا ہے۔

مسلمانوں کے خلاف حملے

مشیر اطلاعات خیبرپختونخوا کا کہنا تھا کہ ایران اور اسرائیل میں ثالثی کے بجائے معصوم شہریوں پر حملے کئے جا رہے ہیں، جو مسلمانوں پر بم برسائے اسے نوبل انعام کیلئے نامزد کرنا ناقابلِ فہم ہے۔ خوشامد کی بھی کوئی حد ہوتی ہے، شہباز شریف کیلئے یہ باعثِ شرم ہے۔

عمران خان کی پالیسی کی تعریف

بیرسٹر سیف نے مزید کہا کہ عمران خان ’ایبسولوٹلی ناٹ‘ پالیسی کی بدولت عوام کے دلوں میں بسا ہوا ہے، انہوں نے کبھی امتِ مسلمہ کے خون کا سودا نہیں کیا، عمران خان نے ہمیشہ امتِ مسلمہ کی عزت، وقار اور سربلندی کیلئے سوچا۔