امریکہ نے ایران جنگ کے معاملے پر اپنا وعدہ توڑ دیا: حافظ نعیم الرحمان

امریکہ کا وعدہ توڑنا

اسلام آباد (ڈیلی پاکستان آن لائن) امیر جماعت اسلامی حافظ نعیم الرحمان نے کہا ہے کہ امریکہ نے ایران کے معاملے پر اپنا وعدہ توڑ دیا۔

یہ بھی پڑھیں: بھارت نے پاکستان پر حملہ کردیا، پاک فوج نے بھی تصدیق کردی

امریکہ اور اسرائیل کی حمایت

نجی ٹی وی دنیا نیوز کے مطابق وفاقی دارالحکومت میں یوتھ ڈیجیٹل سمٹ سے خطاب کرتے ہوئے حافظ نعیم الرحمان کا کہنا تھا کہ امریکا سب سے بڑی دہشت گرد ریاست اسرائیل کو سپورٹ کرتا ہے، حماس نے مزاحمت کو زندہ کیا ہے، حماس نے مسلم حکمرانوں کو آئینہ دکھایا ہے۔

یہ بھی پڑھیں: پاک بھارت جنگ کے باعث فواد خان کی متاثر ہونے والی بھارتی فلم ریلیز کے لیے تیار

فخر کا لمحہ

انہوں نے کہا کہ جماعت اسلامی کے میڈیا سیل کو کامیاب ایونٹ کرنے پر خراج تحسین پیش کرتا ہوں، اس ایونٹ میں خواتین کی بڑی تعداد میں نمائندگی قابل فخر چیز ہے، پوری دنیا میں جو صورتحال ہے اس پر بات کیے بغیر یہ سمٹ مکمل نہیں ہو سکتا۔

یہ بھی پڑھیں: پنجاب میں امراض قلب کے لیے انٹراویسکولر سرجری کی جدید ترین تکنیک متعارف کروانے کا فیصلہ، امریکی ڈاکٹرز تربیت دیں گے۔

امریکہ کا حملہ

امیر جماعت اسلامی کا کہنا تھا کہ امریکہ نے آج ایران پر حملہ کر دیا ہے، کل ٹرمپ نے بیان دیا کہ ہم دو ہفتے انتظار کریں گے، پھر کوئی ایکشن لیں گے، ٹرمپ نے پہلے ہی دن اپنے وعدے کو توڑ دیا، امریکہ اخلاقی طور پر کسی بھی چیز کو خاطر میں نہیں لا رہا صرف طاقت سے بات کر رہا ہے۔

یہ بھی پڑھیں: پنجاب میں کتنے کروڑ بچوں کو پولیو سے بچاؤ کے قطرے پلائے جائیں گے اور مہم کب تک جاری رہے گی؟ اہم تفصیلات جانیے

امریکہ کا زوال

حافظ نعیم نے کہا کہ امریکہ کا زوال شروع ہو چکا ہے، دنیا بھر کے با ضمیر انسانوں کا ظالموں کے خلاف اتحاد ہونا چاہیے، پچھلے پونے دو سالوں سے اسرائیل فلسطین میں مسلمانوں کا قتل عام کر رہا ہے، اسرائیل بدترین طریقے سے دہشت گردی کر رہا ہے۔

ایرانی قوم کا اتحاد

ان کا مزید کہنا تھا کہ اسرائیل نے ایران پر حملہ کیا، الحمدللہ! پوری ایرانی قوم اسرائیل کے خلاف متحد ہے، نوجوان حق اور سچ کی بنیادوں پر چلنے والی تحریکوں کا حصہ بن جائیں۔