امریکہ نے ایران کی تین جوہری تنصیبات کو نشانہ بنایا گیا، انہیں پہلے ہی خالی کرا لیا گیا تھا

امریکہ کی جانب سے جوہری تنصیبات پر حملے

تہران (ڈیلی پاکستان آن لائن) بی بی سی نے ایرانی میڈیا کے حوالے سے کہا ہے کہ 22 جون 2025 کو امریکہ کی جانب سے جن جوہری تنصیبات کو نشانہ بنایا گیا، انہیں پہلے ہی خالی کرا لیا گیا تھا۔

یہ بھی پڑھیں: قومی سلامتی کے لیے پالیمان کا ایک زبان ہونا خوش آئند ہے: نواز شریف

حسن عابدینی کا بیان

ایران کے سرکاری نشریاتی ادارے کے ڈپٹی پولیٹیکل ڈائریکٹر حسن عابدینی سرکاری ٹی وی پر براہ راست آئے اور اُن کا کہنا تھا کہ 'ایران نے کچھ عرصہ قبل ان تین جوہری تنصیبات کو خالی کرا لیا تھا۔ جنہیں سنیچر اور اتوار کی درمیانی شب امریکہ کی جانب سے نشانہ بنایا گیا۔'

ٹرمپ کا اعلان

بی بی سی کے مطابق، حسن عابدینی کا یہ بھی کہنا ہے کہ اگر امریکی صدر ٹرمپ کی بات سچ بھی ہے تو ایران کو 'کوئی بڑا دھچکا نہیں لگا کیونکہ مواد پہلے ہی ان مقامات سے نکال لیا گیا تھا۔' حسن عابدینی کا یہ بیان امریکی صدر ڈونلڈ ٹرمپ کی جانب سے ایران کے تین جوہری تنصیبات کو نشانہ بنانے کے اعلان کے بعد سامنے آیا ہے۔ ان میں فورڈو، نطنز اور اصفہان شامل ہیں۔