ہمارے اقدام سے برادر ملک قطر اور اس کے شہریوں کو کوئی خطرہ نہیں: ایران کی سپریم نیشنل سیکیورٹی کونسل کا بیان

دوحہ(ڈیلی پاکستان آن لائن) ایران کی سپریم نیشنل سکیورٹی کونسل نے قطر میں ایئربیس پر میزائل حملوں پر ردعمل میں کہا ہے کہ ہمارے اس اقدام سے ہمارے دوست اور برادر ملک قطر اور اس کے شہریوں کو کوئی خطرہ نہیں۔

حملوں کا پس منظر

ایران کی سپریم نیشنل سکیورٹی کونسل کی جانب سے جاری بیان میں کہا گیا ہے کہ "جو تم پر حملہ کرے اس پر اسی طرح حملہ کرو جس طرح اس نے کیا۔" ایران کی مسلح افواج نے امریکا کے حملے کے جواب میں قطر کے شہر العدید میں ایک امریکی بیس کو تباہ کر دیا۔

میزائلوں کی تعداد

بیان میں کہا گیا ہے کہ اس کامیاب آپریشن میں استعمال ہونے والے میزائلوں کی تعداد ان بموں کے برابر تھی جو امریکا نے ایران کی جوہری تنصیبات پر حملے میں استعمال کیے تھے۔

قطر کے اہمیت

ایرانی سپریم نیشنل سکیورٹی کونسل نے دعویٰ کیا کہ ایرانی افواج کے حملے میں جس بیس کو نشانہ بنایا گیا وہ قطر میں شہری سہولیات اور رہائشی علاقوں سے بہت دور تھا۔ کونسل نے کہا کہ اس اقدام سے ہمارے دوست اور برادر ملک قطر اور اس کے شہریوں کو کوئی خطرہ نہیں اور ایران قطر کے ساتھ گرمجوشی اور تاریخی تعلقات کو برقرار رکھنے اور جاری رکھنے کے لیے پرعزم ہے۔