جنگ ختم کرنے کے حوالے سے اہم بیان آ گیا

اسرائیل کی ایران کے خلاف جنگ ختم کرنے کی تیاری

تل ابیب (مانیٹرنگ ڈیسک) اسرائیل چند دنوں میں ایران کے خلاف جنگ ختم کرنے کو تیار ہوگیا۔

’’جیو نیوز‘‘ کے مطابق اسرائیلی میڈیا نے انتہائی معتبر سیکیورٹی حکام کے حوالے سے خبر جاری کی ہے کہ اسرائیل ایران کے خلاف جنگ ختم کرنے کو تیار ہے۔

اسرائیلی میڈیا رپورٹس میں دعویٰ کیا گیا ہے کہ اسرائیل چند دنوں میں ایران کے خلاف جنگ ختم کرنے کا ارادہ رکھتا ہے۔

اسرائیلی میڈیا کا یہ بھی کہنا ہے کہ اسرائیلی فوجی ترجمان نے ایران جنگ ختم کرنے پر نہ ہاں کی اور نہ انکار کیا۔

دوسری جانب اسرائیلی دفاعی حکام کے مطابق اسرائیل جلد ایران پر حملے بند کردے گا۔

اسرائیلی میڈیا کے مطابق، اسرائیل ایرانی حکومت کا تختہ الٹنے اور ایران کے موجودہ نظام کو تبدیل کرنے میں ناکام رہا۔

البتہ اسرائیلی دفاعی مبصرین کا کہنا ہے کہ اسرائیل ایران کے جوہری پروگرام کو نشانہ بنانے میں کامیاب رہا۔

اسرائیلی حکام کا عزم ہے کہ ایرانی اپوزیشن کو سپریم لیڈر آیت اللہ علی خامنہ ای کو ہٹانے کیلئے سپورٹ کریں گے۔