کورکمانڈر لاہور کا UMT کا دورہ، طلبہ اور اساتذہ کے ساتھ خصوصی نشست

کور کمانڈر لاہور کا دورہ یونیورسٹی آف مینجمنٹ اینڈ ٹیکنالوجی

لاہور(ڈیلی پاکستان آن لائن ) کور کمانڈر لاہور لیفٹیننٹ جنرل فیاض حسین شاہ نے یونیورسٹی آف مینجمنٹ اینڈ ٹیکنالوجی (UMT) کا دورہ کیا، جہاں انہوں نے اساتذہ اور طلبہ کے ساتھ ایک خصوصی نشست میں شرکت کی۔

یہ بھی پڑھیں: پی ٹی آئی پارلیمانی پارٹی اجلاس کی دلچسپ اندرونی کہانی سامنے آئی

جنرل فیاض حسین شاہ کا خطاب

اپنے خطاب میں جنرل فیاض حسین شاہ نے معرکہء حق کے مختلف پہلوؤں پر تفصیلی روشنی ڈالی اور عالمی و علاقائی تناظر میں حالیہ پاک بھارت جنگ کے اثرات پر سیر حاصل گفتگو کی۔ انہوں نے آپریشن بنیان مرصوص کو پوری قوم کے ایمان، اتحاد اور نظم و ضبط کا نتیجہ قرار دیتے ہوئے اسے ایک تاریخی فتح کا نام دیا۔

یہ بھی پڑھیں: نواز شریف طبی معائنے کے لئے لندن روانہ، شام 6 بجے پہنچیں گے۔

حاضرین کے سوالات کے جوابات

کور کمانڈر نے حاضرین کے سوالات کے مدلل اور مفصل جوابات دیے اور نوجوانوں کے کردار کو مستقبل کے چیلنجز سے نمٹنے کے لیے کلیدی قرار دیا۔ انہوں نے کہا کہ تعلیم اور ہنر سے آراستہ نوجوان ہی ملک کے روشن مستقبل کے ضامن ہیں، اور اساتذہ کرام قوم کے معمار ہیں جنہیں سلام پیش کرتا ہوں۔

تحفظ وطن کی ضرورت

لیفٹیننٹ جنرل فیاض حسین شاہ نے زور دیا کہ ہم سب نے مل کر وطن عزیز کو محفوظ اور مضبوط تر بنانا ہے۔ انہوں نے کہا کہ آپریشن بنیان مرصوص نے دنیا پر پاکستانی قوم اور افواج کی طاقت کو نمایاں کر دیا ہے۔