جب اسلام آباد تعمیر ہو چکا تو راولپنڈی کی حیثیت تھوڑی کم ہو گئی، تاہم آج بھی بڑا شہر ہے جہاں دور جدید کی سہولتوں کیساتھ قدیم محلے اور عمارتیں ہیں

مصنف: محمد سعید جاوید

قسط: 167

یہ بھی پڑھیں: انڈیا کے زیر انتظام کشمیر میں حج پر جانے والے افراد کی تعداد میں ریکارڈ کمی: خرچ کا سن کر لوگ اپنا فارم واپس لینے پر مجبور ہوگئے

اسلام آباد کی تعمیر

راولپنڈی کے قریب ہی 1960ء کی دہائی میں پاکستان کے دارالخلافہ اسلام آباد کی تعمیر شروع ہوئی تھی۔ جب سرکاری دفاتر کراچی سے اسلام آباد منتقل ہوتے تھے تو ان کے عملے کو پہلے راولپنڈی میں ہی ٹھہرایا جاتا تھا، پھر ان کے مستقبل کے دفاتر اور رہائش گاہیں تعمیر ہوجانے پر یہ لوگ مستقل طور پر اسلام آباد میں منتقل ہو جاتے تھے۔

یہ بھی پڑھیں: انڈیا میں 190 کروڑ روپے کا ڈیجیٹل فراڈ: ایک خاتون کی کال اور لوکیشن کی تلاش نے حقیقت بے نقاب کی

راولپنڈی کی حیثیت

جب اسلام آباد تعمیر ہو چکا تو راولپنڈی کی اپنی حیثیت تھوڑی کم تو ہو گئی تھی، تاہم یہ آج بھی وطن عزیز کا ایک بڑا شہر ہے جہاں دور جدید کی تمام سہولتوں کے ساتھ ساتھ قدیم محلے اور عمارتیں بھی نظر آ جاتی ہیں۔ ریلوے اور پنجاب حکومت کا ڈویژنل ہیڈ کوارٹرز ہونے کے وجہ سے یہاں بہت سے سرکاری دفاتر موجود ہیں۔

یہ بھی پڑھیں: دفتر بیٹھا بوریت محسوس کر رہا تھا،لاہور کا پلا بڑھا کہاں لالہ موسیٰ جیسے قصبے میں وقت گزار سکتا تھا،بچے لاہور تھے، ان دنوں کابلی پلاؤ کا بہت رواج ہوا تھا۔

تعلیم اور صحت

اس کے علاوہ تعلیم اور صحت کے اعتبار سے بھی یہاں جدید طبی سہولتوں سے آراستہ بہت سارے سرکاری اور نجی ہسپتال اور کلینک وغیرہ بن گئے ہیں۔ بڑی تعداد میں یونیورسٹیاں اور بینکوں کے مقامی مرکزی دفاتر بھی یہاں موجود ہیں۔ اس کے علاوہ درجنوں سرکاری اور نجی تعلیمی ادارے ہیں اور کم از کم پانچ مختلف یونیورسٹیاں، زرعی یونیورسٹی اور کچھ میڈیکل کالج بھی ہیں۔ یاد رہے کہ پاکستان کی خواتین کی پہلی یونیورسٹی یعنی فاطمہ جناح ویمن یونیورسٹی بھی اسی شہر میں بنی تھی۔

یہ بھی پڑھیں: جہلم ویلی حلقہ نمبر 6چکوٹھی اور بیل پٹنگی سے درجنوں افراد جماعت اسلامی میں شامل

مواصلاتی نظام

راولپنڈی سے اسلام آباد کے بیچ مواصلات اور نقل حمل کا بہت مؤثر اور بہترین نظام ہے۔ ذرائع آمدورفت کی ہمہ وقت اور مسلسل سہولت کی وجہ سے اسلام آباد میں ملازمتیں اختیار کرنے والے اکثر لوگ اسلام آباد کے بجائے راولپنڈی کے گرد و نواح میں مستقل اقامت کو ترجیح دیتے ہیں، کیونکہ یہاں رہائش گاہوں کے کرائے اور مصارف زندگی اسلام آباد سے کہیں کم ہیں۔

یہ بھی پڑھیں: نطنز افزودگی پلانٹ اسرائیلی حملے کے بعد مکمل طور پر خاموش ہو چکا، بڑا دعویٰ

اسلام آباد کا مقام

اسلام آباد، دارالخلافہ، عجب سیکٹر زدہ کچھ لوگ اس بستی میں رہتے ہیں کہ جیسے گول کیپر اپنی اپنی "ڈی" میں رہتے ہیں۔ چلے گا کس طرح اب عشق لیلیٰ اور مجنوں میں۔ وہ سیکٹر "ای" میں رہتی ہے، یہ سیکٹر "جی" میں رہتے ہیں۔ اسلام آباد پاکستان کا دارالحکومت اور صدر مقام ہے جسے راولپنڈی کے قریب مارگلہ پہاڑیوں کے دامن میں ایک اچھی منصوبہ بندی کے ساتھ بسایا گیا ہے۔

بنیادی اجزاء

یہاں ایوان اقتدار ہے، صدر اور وزیر اعظم پاکستان کے دفاتر اور رہائشوں کے علاوہ قومی اسمبلی، سینٹ، سپریم کورٹ، ہائی کورٹ اور تقریباً پاکستان کے سب سرکاری اداروں کے صدر دفاتر موجود ہیں۔ یہ انتہائی صاف ستھرا اور جدید شہر ہے جو ریلوے اور موٹروے کے ذریعے پاکستان کے سبھی علاقوں سے رابطے میں ہے۔ اسلام آباد اور راولپنڈی کا مشترکہ انٹرنیشنل ایئرپورٹ بھی ہے۔

(جاری ہے)

نوٹ: یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔