لاہور؛ عدالت پیشی پر جانے والے دو افراد کو فائرنگ کرکے قتل کر دیا گیا

شاہدرہ ٹاؤن میں دو افراد کا قتل

لاہور(ڈیلی پاکستان آن لائن) لاہور کے علاقے شاہدرہ ٹاؤن میں عدالت پیشی پر جانے والے دو افراد کو گولیاں مار کر قتل جبکہ ایک کو شدید زخمی کر دیا گیا۔

یہ بھی پڑھیں: بنگلا دیشی صدر کو برطرف کرنے کی مہم زور پکڑنے لگی

واقعہ کی تفصیلات

نجی ٹی وی چینل ایکسپریس نیوز کے مطابق پولیس کا کہنا ہے کہ واقعہ فیروزوالہ کچہری میں ملزمان کی پیشی کے دوران پیش آیا۔

یہ بھی پڑھیں: چین نے خضدار میں سکول بم دھماکے کی شدید الفاظ میں مذمت کردی

مقتولین کی شناخت

قتل ہونے والوں میں سے ایک کی شناخت 65 سالہ ظفر اقبال کے نام سے ہوئی جبکہ دوسرے مقتول کی شناخت کا عمل جاری ہے۔ ایک نامعلوم شخص کو گولیاں مار کر قتل کیا گیا جبکہ موٹر سائیکل سٹینڈ پر کھڑا ورکر زوہیب بھی فائرنگ کی زد میں آ کر زخمی ہوا۔

یہ بھی پڑھیں: اوپن اور انٹر بینک مارکیٹ میں ڈالر مسلسل چوتھے روز مہنگا

ڈی آئی جی آپریشنز کا بیان

ڈی آئی جی آپریشنز نے بتایا کہ مقتول ظفر اقبال کالا خطائی تحصیل فیروز والہ کا رہائشی تھا۔ ظفر اقبال فیروز والہ کچہری میں پیشی پر جا رہا تھا جب وہ فائرنگ کا نشانہ بنا۔

پولیس کے اقدامات

پولیس افسر کا مزید کہنا تھا کہ گھناونے واقعے میں ملوث ملزمان جلد از جلد قانون کی گرفت میں ہوں گے۔