امریکی صدر ٹرمپ کا ایوان میں مواخذہ کرنے کی کوشش ناکام، 79 کے مقابلے میں 344 ووٹ

امریکہ میں صدر ٹرمپ کا مواخذہ ناکام

و ا شنگٹن(ڈیلی پاکستان آن لائن) امریکہ کے صدر ڈونلڈ ٹرمپ کا ایوان میں مواخذہ کرنے کی کوشش ناکام ہوگئی۔

یہ بھی پڑھیں: عید قربانی کا نام

ایران جنگ میں مداخلت کا الزام

نجی ٹی وی جیو نیوزکے مطابق کانگریس کی منظوری کے بغیر ایران جنگ میں امریکہ کو دھکیلنے پر صدر ڈونلڈ ٹرمپ کا ایوان میں مواخذہ کرنے کی کوشش ناکام بنادی گئی۔ صدر ٹرمپ کے مواخذے کی تحریک ڈیموکریٹ رکن کانگریس آل گرین نے پیش کی تھی جس میں دعویٰ کیا گیا تھا کہ ڈونلڈ ٹرمپ نے ایران پر حملے کیلئے صدارتی اختیارات کا غلط استعمال کیا۔

یہ بھی پڑھیں: مذاکرات سے سیاسی درجہ حرارت نیچے آنا خوش آئند ہو گا: فواد چودھری

ڈیموکریٹس کی داخلی تقسیم

ٹرمپ کے مواخذے کی تحریک پیش کرنے کیلئے ٹیکساس کے رکن اسمبلی کی قرارداد پر ڈیموکریٹس بھی منقسم نظر آئے۔ کئی ڈیموکریٹک اراکین نے ٹرمپ کو تنقید کا نشانہ تو بنایا مگر زیادہ تر نے مواخذے کی حمایت سے گریز کیا۔

یہ بھی پڑھیں: روپے کی بے قدری جاری، ڈالر مزید مہنگا ہوگیا

موافقت ناکام

نتیجہ یہ نکلا کہ مواخذے کی تحریک سے متعلق قرارداد 79 کے مقابلے میں 344 ووٹ سے مسترد کردی گئی۔ 128 ڈیموکریٹس نے بھی مواخذے کے خلاف ری پبلکنز کا ساتھ دیا تاکہ قرارداد پیش نہ کی جاسکے۔

یہ بھی پڑھیں: امریکہ کا چھٹی نسل کا لڑاکا طیارہ ایف 47، سب سے پہلے خریدار کون ہوگا؟ یہ اسرائیل یا برطانیہ نہیں بلکہ۔۔۔

آل گرین کا بیان

قرارداد پیش کرتےہوئے رکن کانگریس آل گرین نے کہا تھا کہ انہیں یہ قدم اٹھانےمیں خوشی نہیں تاہم کسی ایک شخص کو 30 کروڑ افراد پر غلبہ کاحق نہیں ہونا چاہیے۔کانگریس کی منظوری کے بغیرجنگ میں نہیں جاناچاہیے۔

یہ بھی پڑھیں: اسرائیل کے جنگی مقاصد میں نمایاں تبدیلی، اب مقصد کیا ہے؟سی این این تجزیہ کار کا تہلکہ خیز دعویٰ

تاریخی احتجاج

آل گرین نے کہا کہ انہوں نے یہ اقدام اس لیے کیاکیونکہ اب آئین معنی خیزہوگا یا بےمعنی ہوجائےگا۔ آل گرین صدر ٹرمپ کے شدید مخالفین میں سے ایک ہیں اور ان کے نزدیک ڈونلڈ ٹرمپ امریکہ کو مطلق العنانیت کی جانب دھکیل رہے ہیں۔

یہ بھی پڑھیں: پاکستان کی معروف ٹک ٹاکر کی مبینہ نازیبا ویڈیو وائرل

صدر ٹرمپ کا ردعمل

صدر ٹرمپ کے کانگریس سے خطاب کے موقع پربھی آل گرین نے غیرمعمولی احتجاج کیا تھا اور اپنی چھڑی لہرا کر کہا تھا کہ ٹرمپ کے پاس اس خطاب کا مینڈیٹ نہیں جس پر سارجنٹ ایٹ آرمز کو بلا کر 78 برس کے آل گرین کو ایوان سے باہر نکال دیا گیا تھا۔یہ کانگریس میں اپنی نوعیت کا تاریخی واقعہ تھا۔

یہ بھی پڑھیں: ایران پر حملہ کرنے والے طیارے اس وقت کہاں ہیں۔؟ پاسداران انقلاب نے بڑا دعویٰ کر دیا

ڈیموکریٹک اراکین میں اختلاف

مواخذے کی وکالت کرنے پر صدر ٹرمپ نے رکن کانگریس الیگزینڈریا اوکاسیو کارٹز پر شدید تنقید کی۔ساتھ ہی ڈیموکریٹ اراکین کانگریس جیسمین کروکیٹ اور الہان عمر کو بھی نشانہ بنایا۔

یہ بھی پڑھیں: پی آئی اے کی نجکاری، مفتاح اسماعیل کھل کر بول پڑے

ٹرمپ کی تند و تیز باتیں

صدر ٹرمپ نے کارٹز کو احمق اورکانگریس میں بیوقوف ترین رکن قرار دیا اور یہیں نہیں رُکے بلکہ ڈیموکریٹ رکن کو چوہیا تک کہہ ڈالا۔

یہ بھی پڑھیں: امریکہ کو بھارت کو کان سے پکڑ کر بھی بات چیت تک لانا پڑے تو یہ دنیا کے مفاد میں ہوگا، بلاول

معاشی الزام

الیگزینڈریا اوکاسیو کارٹز نے 3 روز پہلے بیان میں کہا تھا کہ کانگریس کی منظوری لیے بغیر ایران جنگ چھیڑنے پر صدر ٹرمپ کے مواخذے کی واضح بنیاد موجود ہے۔

یہ بھی پڑھیں: جنگ صرف گولی بم کا نام نہیں ،بھوک، غربت اور دیگر برائیاں ساتھ لاتی ہے: چودھری شجاعت

ٹرمپ کا جواب

صدر ٹرمپ نے کہا کہ کارٹز کو واپس کوئنز جانا چاہیے اور گندی اورجرائم سے بھری سڑکیں صاف کرنی چاہئیں جس پر کارٹز نے ترکی بہ ترکی جواب دیا کہ وہ برونکس کی لڑکی ہیں جو کوئنز کے لڑکوں کا ناشتہ کرلیتی ہیں۔

یہ بھی پڑھیں: لاہور کی وہ سوسائٹی جس کے اندر سے رنگ روڈ گزرے گا، ویڈیو

دوسرے مواخذے کی کوششیں

اس بار مواخذے کی تحریک کیلئے قرارداد پر ووٹنگ سے پہلے بات کرتے ہوئے کیلیفورنیا سے تعلق رکھنے والے رکن پیٹ ایگیولر نے تسلیم کیا کہ صدر کا مواخذہ ڈیموکریٹک پارٹی کی ترجیع نہیں۔

ری پبلکن کی فتح

ری پبلکن اراکین کانگریس صدر ٹرمپ کا مواخذہ کرنے کی کوشش میں ڈیموکریٹک پارٹی کی ناکامی کو اپنی فتح قرار دے رہے ہیں، ان کے نزدیک ڈیموکریٹک پارٹی صدارتی انتخابات ہارنے کے بعد ابھرنے کی ہرکوشش میں ناکام ثابت ہورہی ہے۔