فیلڈ مارش عاصم منیر بہت ہی متاثر کن اور بہترین شخصیت ہیں، امریکی صدر ڈونلڈ ٹرمپ نے ایک بار پھر تعریف کر دی

امریکا کے صدر ڈونلڈ ٹرمپ نے ایک بار پھر فیلڈ مارشل عاصم منیر کی تعریف کی ہے۔ دی ہیگ میں نیٹو اجلاس کے بعد پریس کانفرنس میں انہوں نے پاکستان اور بھارت کے درمیان جنگ بندی کے موضوع پر گفتگو کی۔

ٹرمپ نے کہا کہ انہوں نے پاکستان اور بھارت کے درمیان جنگ بندی کرانے کی کوشش کی۔ انہوں نے بتایا کہ ان کے متعدد فون کالز کے ذریعے اس جنگ بندی کی کوشش کی گئی۔ انہوں نے مزید کہا کہ دونوں ممالک کے پاس جوہری ہتھیار ہیں اور یہ جنگ بندی ایک اہم ضرورت ہے۔

امریکی صدر نے فیلڈ مارشل عاصم منیر کی تعریف کرتے ہوئے کہا، "وہ بہترین انسان ہیں اور انہوں نے ملاقات کے دوران مجھے متاثر کیا۔" ٹرمپ نے یہ بھی کہا کہ انہیں یقین ہے کہ عاصم منیر کے ساتھ دوسرے مسائل بھی حل کیے جا سکتے ہیں۔

ٹرمپ نے یہ بھی ذکر کیا کہ انہوں نے اسرائیل اور ایران، راونڈا اور کانگو جیسے تنازعات میں بھی اپنے کردار ادا کیا ہے۔