اسرائیلی آرمی چیف نے جنگ کے دوران ایران میں خفیہ کارروائیوں سے متعلق بڑا دعویٰ کر دیا

اسرائیلی آرمی چیف کا بڑا دعویٰ

تل ابیب (ڈیلی پاکستان آن لائن) اسرائیلی آرمی چیف نے جنگ کے دوران ایران میں خفیہ کارروائیوں سے متعلق بڑا دعویٰ کر دیا۔

یہ بھی پڑھیں: وزیراعظم اور بلاول بھٹو کی ملاقات میں 27ویں ترمیم پر اتفاق جیسی کوئی بات نہیں ہوئی، رانا ثنااللہ

ایران کے اندر کارروائیاں

’’جیو نیوز‘‘ کے مطابق اسرائیلی فوج کے سربراہ ایال زمیر نے انکشاف کیا ہے کہ ایران کے ساتھ حالیہ 12 روزہ جنگ کے دوران اسرائیلی کمانڈوز نے ایران کے اندر خفیہ طور پر کارروائیاں انجام دیں۔

یہ بھی پڑھیں: صد آصف زرداری کا چین کا دورہ طے

جنرل ایال زمیر کا خطاب

ٹی وی پر قوم سے خطاب کرتے ہوئے جنرل ایال زمیر نے کہا کہ ’’ہم نے ایرانی فضائی حدود پر مکمل کنٹرول حاصل کیا اور جہاں جہاں ہم نے کارروائی کا فیصلہ کیا وہاں مکمل کنٹرول کے ساتھ کام کیا۔ یہ سب کچھ ہماری فضائیہ اور زمینی کمانڈو یونٹس کے درمیان ہم آہنگی اور ٹیکٹکل ڈسیپشن کی بدولت ممکن ہوا۔ یہ فورسز دشمن کی سرزمین کے کافی اندر خفیہ طور پر متحرک رہیں اور ہماری افواج کے لیے آپریشنل آزادی کو ممکن بنایا‘‘۔

یہ بھی پڑھیں: پاک بھارت کشیدگی، معروف پاکستانی ٹینس پلیئر اعصام الحق نے اہم بیان جاری کر دیا

تاریخی اعتراف

یہ پہلا موقع ہے جب کسی اعلیٰ اسرائیلی عہدیدار نے سرکاری طور پر تسلیم کیا ہے کہ اسرائیلی فوجی ایران کے اندر زمینی کارروائیوں میں ملوث رہے ہیں۔

موساد کی خفیہ کارروائیاں

اس سے قبل اسرائیلی میڈیا کی جانب سے بتایا گیا تھا کہ ایران پر اسرائیلی حملوں کے آغاز سے کچھ دیر قبل موساد کمانڈوز نے ایران کے اندر خفیہ کارروائیاں کیں۔ اسرائیلی میڈیا کی جانب سے ان کارروائیوں کی ویڈیو بھی جاری کی گئی تھی۔