وفاقی محتسب نے علاقائی دفتر ملتان کی نئی بلڈنگ کا افتتاح کر دیا، فیصلوں پر عملدرآمد نہ کرنے والوں کے خلاف سخت کارروائی کریں گے: اعجاز احمد قریشی

افتتاحی تقریب کا اہتمام

ملتان( ڈیلی پاکستان آن لائن ) وفاقی محتسب اعجاز احمد قریشی نے اپنے ادارے کے علاقائی دفتر ملتان کی نئی بلڈنگ کا افتتاح کر دیا۔ اس تقریب میں سرکاری افسران، سول سوسائٹی کے اہم افراد، اور میڈیا کے نمائندگان کی بڑی تعداد نے شرکت کی۔ وفاقی محتسب نے افتتاحی تقریب سے خطاب کرتے ہوئے سرکاری افسروں پر زور دیا کہ وہ وفاقی محتسب کے فیصلوں پر عمل درآمد کو یقینی بنائیں تاکہ شکایت کنندگان کو فوری ریلیف مل سکے۔

یہ بھی پڑھیں: کسی صوبے کا دوسرے صوبے کے پانی پر ڈاکا ڈالنے کا سوال ہی پیدا نہیں ہوتا: احسن اقبال

وفاقی محتسب کا پیغام

وفاقی محتسب سیکرٹریٹ غریبوں کی عدالت ہے اور اس ادارے کا مقصد نادار اور پسماندہ طبقے کی داد رسی کرنا ہے۔ ہم 200 سے زائد وفاقی سرکاری اداروں کے خلاف شکایات کے ازالے کے لیے پر عزم ہیں۔ سرکاری افسران کو عوام الناس کی شکایات کے ازالے کے لیے اپنی تمام تر کوششیں بروئے کار لانی چاہئیں۔

یہ بھی پڑھیں: اسرائیل کا ایران کے ایک تہائی میزائل لانچرز تباہ کرنے کا دعویٰ

اجلاس کی صدارت

وفاقی محتسب نے اپنے دورہ کے دوران وفاقی محتسب کے علاقائی دفاتر ملتان، بہاولپور اور ڈیرہ غازی خان کے افسران کے ساتھ ایک اجلاس کی صدارت بھی کی۔ انہوں نے افسران پر زور دیا کہ وہ عوام کی خدمت کو شعار بنائیں اور وفاقی محتسب کے فیصلوں پر عمل درآمد کو یقینی بنائیں، بصورت دیگر ہمیں اپنے اختیارات استعمال کرنا پڑیں گے۔

یہ بھی پڑھیں: سونے کی قیمت میں مسلسل دوسرے روز بھی بڑی کمی

شکایات کی تعداد میں اضافہ

وفاقی محتسب نے اپنے خطاب کے دوران بتایا کہ سال 2024ء کے دوران عوامی شکایات میں ریکارڈ اضافہ ہوا، جس کی وجہ یہ ہے کہ وفاقی محتسب کے ادارے کی پہنچ اور رسائی میں مسلسل اضافہ ہو رہا ہے۔ گزشتہ چند ماہ میں مظفرآباد، گلگت بلتستان، میر پور خاص، ساہیوال اور ڈیرہ غازی خان میں نئے علاقائی دفاتر قائم کئے گئے ہیں، جس کے بعد ملک بھر کے 26 شہروں میں یہ ادارہ عوام الناس کو سہولیات فراہم کر رہا ہے۔

یہ بھی پڑھیں: پاک بھارت کشیدگی، بھارتی میڈیا کی فیک نیوز فیکٹری متحرک، میزائل حملے کا جھوٹ بے نقاب

میڈیا سے گفتگو

وفاقی محتسب نے میڈیا سے گفتگو کرتے ہوئے کہا کہ گزشتہ برس 2 لاکھ 26 ہزار 372 شکایات آئیں اور 2 لاکھ 23 ہزار 198 شکایات کے فیصلے کیے گئے، 93.21 فیصد فیصلوں پر عمل درآمد بھی ہو گیا۔ عوام الناس کو ان کے گھر کی دہلیز پر انصاف فراہم کرنے کے لیے ملک بھر میں 126 کھلی کچہریاں منعقد کی گئیں۔

یہ بھی پڑھیں: دوسرا ٹی 20؛زمبابوے کیخلاف قومی سکواڈ کا اعلان، کیا تبدیلی کی گئیں؟جانیے

علاقائی دورے اور کمیونٹی کی خدمت

OCAR پروگرام کے تحت 171 دورے کیے گئے، جبکہ وفاقی محتسب کی معائنہ ٹیموں نے سرکاری محکموں کے 79 دورے کیے تاکہ سرکاری اداروں کے نظام کی اصلاح اور خدمات کو بہتر بنایا جا سکے۔ ہمارے انسٹی گیشن افسران ملک کے دور دراز علاقوں میں جا کر کھلی کچہریاں منعقد کر کے عوام الناس کو انصاف فراہم کر رہے ہیں۔

خصوصی شکایات کمشنرز کی تقرری

وفاقی محتسب میں بیرون ملک پاکستانیوں اور بچوں کی شکایات کے لیے الگ سے شکایات کمشنرز مقرر کیے گئے ہیں۔ وفاقی محتسب سیکرٹریٹ غریبوں کی عدالت ہے جس کا مقصد نادار اور پسماندہ طبقے کی شکایات کی داد رسی کرنا ہے۔ ہمارے افسران کی انتھک محنت، کھلی کچہریوں، اور معائنہ ٹیموں کے مختلف سرکاری اداروں کے دوروں کی بدولت ہر سال عام لوگوں کی شکایات کی دادرسی میں اضافہ ہو رہا ہے۔