غزہ میں آئندہ ہفتے تک جنگ بندی ہو جائے گی: ٹرمپ نے امید کا اظہار کر دیا

امریکی صدر ڈونلڈ ٹرمپ کا بیان

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے غزہ میں جنگ بندی اگلے ہفتے تک ممکن ہونے کی امید کا اظہار کیا۔ نجی ٹی وی جیو نیوز کے مطابق، ٹرمپ نے وائٹ ہاؤس میں میڈیا سے گفتگو کرتے ہوئے کہا کہ ہم غزہ میں جنگ بندی کے قریب ہیں اور میرا خیال ہے کہ آئندہ ہفتے تک جنگ بندی ہو جائے گی۔

یہ بھی پڑھیں: وزیراعظم کا ایرانی صدر سے ٹیلیفونک رابطہ، خطے میں کشیدگی میں کمی اور فوری مذاکرات پر زور

غزہ کی خراب صورتحال

ٹرمپ نے غزہ کی صورتحال کو بہت خراب قرار دیا۔ انہوں نے کہا کہ امریکہ رقم اور غذا فراہم کررہا ہے، جبکہ اس معاملے میں کوئی اور ملک ہماری مدد نہیں کر رہا۔

یہ بھی پڑھیں: کوہلی کے ایک آئی پی ایل سیزن کی کمائی 10 ٹاپ پاکستانی کرکٹرز سے زائد نکلی

ایران کی ایٹمی تنصیبات پر ردعمل

وائٹ ہاؤس میں میڈیا سے گفتگو کے دوران جب صدر ٹرمپ سے پوچھا گیا کہ اگر مستقبل میں انٹیلی جنس رپورٹس میں ایران کی جانب سے یورینئیم کی افزودگی سے متعلق تشویش ناک نتائج آئے تو کیا وہ ایران پر بمباری کرنے پر غور کریں گے؟ تو صدر ٹرمپ نے جواب دیا کہ وہ ایران کی ایٹمی تنصیبات پر دوبارہ حملے سے بالکل گریز نہیں کریں گے۔

یہ بھی پڑھیں: سٹاک مارکیٹ میں ریکارڈ قائم، پہلی بار 100 انڈیکس 95 ہزار پوائنٹس کی نفسیاتی حد عبور کر گیا

ایران کے سپریم لیڈر کا بیان

ٹرمپ نے کہا کہ انہیں توقع ہے کہ بین الاقوامی ایٹمی توانائی ایجنسی کے معائنہ کار یا کسی دوسرے قابل احترام ادارے کے اہلکار ایران کی نیوکلیئر تنصیبات کا معائنہ کریں گے۔ صدر ٹرمپ نے ایران کے سپریم لیڈر آیت اللہ خامنہ ای کے اس بیان پر جلد ردعمل دینے کا عزم ظاہر کیا، جس میں آیت اللہ خامنہ ای نے کہا تھا کہ قطر میں امریکی فوج کے اڈے پر حملہ کرکے ایران نے امریکہ کے چہرے پر تھپڑ مارا ہے۔

یہ بھی پڑھیں: پیٹرول اور ڈیزل 2 روپے 40 پیسے فی لیٹر تک مہنگا ہونے کا امکان

بھارت اور پاکستان کے درمیان جنگ بندی

اسی تقریب سے خطاب کرتے ہوئے، ٹرمپ نے بھارت اور پاکستان کے درمیان جنگ بندی کا بھی ایک بار پھر کریڈٹ لیا اور دونوں ملکوں کی قیادت کی تعریف کی۔ انہوں نے کہا کہ وہ بھارت اور پاکستان کے معاملے حل کرنے پر خوش ہیں، کیونکہ دونوں کے پاس اعلیٰ سطح کے ایٹمی ہتھیار ہیں۔ ہم نے یہ معاملہ تجارت کے ذریعے حل کیا ہے۔

یہ بھی پڑھیں: شاہد اشرف تارڑ وزیراعلیٰ مریم کے مشیر برائے خصوصی اقدامات مقرر

صدارت کا خطرناک عہدہ

امریکی صدر نے کہا کہ صدارت ایک انتہائی خطرناک عہدہ ہے۔ انہوں نے پنسلوینیا میں کان پر گولی لگنے کے تجربے کی یاد دہانی کروائی اور کہا کہ اگر کسی نے انہیں پہلے بتایا ہوتا کہ صدارت میں مرنے کا خطرہ پانچ فیصد ہے تو وہ شاید اس دوڑ میں حصہ نہ لیتے۔

شمالی کوریا کے ساتھ تنازعہ

اس کے علاوہ، صدر ٹرمپ نے امید ظاہر کی کہ وہ شمالی کوریا کے لیڈر کم جانگ اُن سے تنازعہ بھی جلد ختم کرلیں گے۔ انہوں نے کینیڈا کے ساتھ تجارتی مذاکرات فوری طور پر ختم کرنے کا اعلان کیا اور کہا کہ کینیڈا سے ڈیل کرنا مشکل کام ہے۔