وزیراعظم شہباز شریف نے بجلی کے بلوں سے پی ٹی وی فیس ختم کرنے کا فیصلہ کر لیا، نجی نیوز چینل کا دعویٰ

وزیراعظم کا بجلی کے بلوں سے پی ٹی وی فیس ختم کرنے کا فیصلہ

اسلام آباد(ڈیلی پاکستان آن لائن) وزیراعظم شہباز شریف نے بجلی کے بلوں سے پی ٹی وی فیس ختم کرنے کا فیصلہ کر لیا ہے، جس کا اعلان کل تک کیا جائے گا۔

یہ بھی پڑھیں: پی آئی اے کا لاہور سے پیرس پروازوں پر 15 فیصد رعایت کا اعلان

پی ٹی وی فیس کی تفصیلات

نجی نیوز چینل 24نیوز کے مطابق، ٹی وی فیس گھریلو صارفین سے ہر ماہ 35 روپے کی شرح سے وصول کی جاتی ہے۔ یہ فیس انڈسٹری اور کمرشل صارفین سے بھی لی جاتی ہے۔ وزیراعظم کی ہدایت پر پی ٹی وی اور دیگر غیر ضروری سرچارجز ختم کرنے کا منصوبہ تیار کیا گیا ہے۔

یہ بھی پڑھیں: مہنگائی کی شرح گزشتہ چھ سال کی کم ترین سطح پر آگئی،وزیرِ اعظم کی قوم کو مبارکباد

صارفین پر مالی بوجھ

پاکستان میں 4 کروڑ 26 لاکھ صارفین سے صرف پی ٹی وی فیس کی مد میں تقریباً ڈیڑھ ارب روپے تک وصول کیے جاتے ہیں۔ ذرائع کے مطابق، وزیراعظم کو بریفنگ میں بتایا گیا کہ پی ٹی وی فیس ختم کرنے سے صارفین کو ٹیرف میں ریلیف ملے گا۔ ہر سال 16 ارب روپے کے ٹیکس میں صرف 11 ارب روپے تک کی وصولی ہوتی ہے۔

نیا طریقہ کار

وزیراعظم نے پی ٹی وی کے وسائل کے لیے دوسرا طریقہ کار لانے کی ہدایت بھی دی ہے، اور پاور سمارٹ ایپ کے تحت اپنے میٹر کی ریڈنگ کے نئے منصوبے پر بھی وزیراعظم کو بریفنگ دی گئی۔