بلوچستان میں زلزلے کے شدید جھٹکے، گھروں کو نقصان

زلزلے کے شدید جھٹکے بلوچستان میں

کوئٹہ(ڈیلی پاکستان آن لائن) بلوچستان کے مختلف شہروں میں زلزلے کے شدید جھٹکے محسوس کئے گئے۔

یہ بھی پڑھیں: ونڈ شیلڈ میں دراڑ، امریکی وزیر جنگ کے طیارے کی برطانیہ میں ایمرجنسی لینڈنگ

زلزلے کی تفصیلات

نجی ٹی وی چینل دنیا نیوز کے مطابق زلزلہ پیما مرکز کا کہنا ہے کہ بلوچستان کے ضلع موسیٰ خیل اور گردونواح میں زلزلے کے شدید جھٹکے محسوس گئے، جس کے باعث لوگوں میں خوف وہراس پھیل گیا، لوگ کلمہ طیبہ کا ورد کرتے ہوئے گھروں سے باہر نکل آئے۔

یہ بھی پڑھیں: جے شنکر کا دورہ: کثیر جہتی تعلقات کو بہتر بنانے کے نئے امکانات

زلزلے کی شدت اور مقام

زلزلہ پیما مرکز کے مطابق زلزلے کی شدت 5.5، گہرائی 28 کلومیٹر ریکارڈ کی گئی، مرکز موسیٰ خیل سے 56 کلومیٹر شمال مشرق میں تھا۔

نقصانات کی رپورٹ

پی ڈی ایم اے کا کہنا ہے کہ موسیٰ خیل میں زلزلے سے 2 مکانات مکمل تباہ ہوگئے ہیں جبکہ 3 کو جزوی نقصان پہنچا ہے، مکانات گرنے سے 3 افراد زخمی ہوئے ہیں.