حافظ نعیم پنجاب میں بیٹھ کر سندھ بلدیاتی نظام کو ٹارگٹ کر رہے ہیں: شرجیل میمن

سیاسی تنازعہ کا آغاز

کراچی(ڈیلی پاکستان آن لائن)سندھ کے سینئر وزیر شرجیل میمن نے جماعت اسلامی کے امیر حافظ نعیم کے بیان پر ردعمل دیتے ہوئے کہا کہ سیاسی منافقت کی انتہا ہے، پنجاب میں بیٹھ کر حافظ نعیم سندھ بلدیاتی نظام کو ٹارگٹ کر رہے ہیں حالانکہ بلدیاتی انتخابات پنجاب میں نہیں ہوئے۔

یہ بھی پڑھیں: پنجاب پبلک سروس کمیشن نے پی ایم ایس کے تحریری امتحانات کے حوالے سے اہم فیصلہ کر لیا

شرجیل میمن کا تبصرہ

نجی ٹی وی آ ج نیوز کے مطابق جماعت اسلامی کے امیر حافظ نعیم کے بیان پر سینئر وزیر شرجیل انعام میمن نے ردعمل دیتے ہوئے کہا کہ لگتا ہے حافظ نعیم اب تک میئر نہ بن سکنے کے صدمے سے نہیں نکلے ہیں، سندھ میں بلدیاتی نظام اپنی آئینی حدود کے اندر کام کر رہا ہے، جماعت اسلامی کا کام عوام کو گمراہ کرنا ہے۔

یہ بھی پڑھیں: کیا حمزہ علی عباسی اب پی ٹی آئی کے ساتھ نہیں؟

جماعت اسلامی کے رویے پر تنقید

شرجیل میمن نے کہا کہ اگر حافظ نعیم کو سندھ کے بلدیاتی نظام سے اتنا ہی مسئلہ ہے تو وہ پنجاب اور خیبرپختونخوا میں بھی اسی شد و مد سے آواز کیوں نہیں اٹھاتے، حافظ نعیم کی جانب سے اپنی سیاسی ناکامیوں کو چھپانے کے لیے حکومت سندھ پر الزامات لگانا مناسب نہیں۔

یہ بھی پڑھیں: ایشیا کپ، متحدہ عرب امارات نے عمان کو شکست دے دی

پرانے الزامات اور حقیقت

انہوں نے مزید کہا کہ حافظ نعیم شاید بھول رہے ہیں کہ پی ٹی آئی کے جن ممبران پر انہوں نے مقدمے قائم کیے تھے، انہوں نے حافظ نعیم کو ووٹ دینا پسند نہیں کیا۔ جماعت اسلامی کو کبھی عوام کے ووٹ سے کراچی کی میئرشپ نہیں ملی، ان کے دو میئر آمریت کے مرہون منت تھے۔

یہ بھی پڑھیں: دودھ کی دکان پر کام کرنے والے بچے کے ساتھ مسلسل جنسی زیادتی، پھر کیا ہوا؟ افسوسناک انکشاف

تعمیری سیاست کی ضرورت

سندھ کے سینیئر وزیر نے کہا کہ جماعت والوں کو بھی اب تعمیری سیاست کرنی چاہیے، نفرت پر مبنی بیانات کے ذریعے عوام کو گمراہ نہ کریں۔

یہ بھی پڑھیں: کرکٹ ایک کھیل نہیں بلکہ عوام کو جوڑنے اور امن کو فروغ دینے کا سبب ہے، کھیل کی اصل روح کو برقرار رکھنے کی ضرورت ہے، وزیراعظم

سندھ حکومت کی ترجمان کا جواب

ترجمان سندھ حکومت سعدیہ جاوید نے امیر جماعت اسلامی حافظ نعیم الرحمان کے بیان پر ردعمل دیتے ہوئے کہا کہ حافظ نعیم امیر جماعت اسلامی ہوکر دھڑلے سے جھوٹ بولتے ہیں، حافظ نعیم اتنا جھوٹ نہ بولیں ہم جانتے ہیں، حافظ صاحب آپ ایک ملک میں 2 نظام کی بات کرتے ہیں۔

یہ بھی پڑھیں: گاڑی کی رفتار اتنی سست اور باعث آزار ہوتی کہ مسافر کود کر چڑھ جاتا، انگڑائیاں لے کر کمر سیدھی کرتے ایک آدھ سگریٹ بھی پھونک ڈالتے تھے۔

ناظم آباد کے عوام کے حقوق

سعدیہ جاوید نے کہا کہ حافظ نعیم نے مقامی حکومت اور صوبائی اسمبلی کی سیٹ دبا رکھی ہے، الیکشن کمیشن میں گوشوارے جمع کراکے اقتدار کی رسی تھامی ہوئی ہے، حافظ نعیم آپ دنیا کو بے وقوف بنا سکتے ہیں، حافظ نعیم آپ سندھ کی عوام کو بے وقوف نہیں بناسکتے۔

یہ بھی پڑھیں: جی آیاں نوں: سکھ مہمانوں کو عزت، احترام اور محبت کی یادیں دینا چاہتے ہیں: وزیر اعلیٰ مریم نواز

سیاسی حقیقتیں

ترجمان سندھ حکومت نے مزید کہا کہ حافظ نعیم نے ناظم آباد عوام کا حق دبا رکھا ہے، نہ چیئرمین شپ سے مستعفی ہوئے نہ صوبائی اسمبلی سےاستعفی دیا، ڈسٹرکٹ سینٹرل میں جماعت اسلامی کے پاس مکمل 5 ٹاؤنز ہیں، سینٹرل کی عوام جانتی ہے جماعت اسلامی پرانے بھتہ خوروں کے نقش قدم پر ہے، حافظ نعیم کا دل صرف سندھ میں ہی بلدیاتی نظام کو کیوں مانتا ہے۔

ڈکٹیٹروں کے ساتھیوں کی حقیقت

ان کا کہنا تھا کہ ڈکٹیٹروں کے دورمیں اقتدار کے مزے لینے والے کیسے ان کی مخالفت کرسکتے ہیں، ڈکٹیٹرز کے پرانے ساتھی پنجاب میں ایک دوسرے کو سیف کررہے ہیں۔