دریائے ہرو میں ڈوبتے چرواہے کو بچا لیا گیا، وزیراعلیٰ کی انتظامیہ اور ریسکیو ٹیم کو شاباش، آپریشن کی ورچوئل مانیٹرنگ کی

مریم نواز کے حفاظتی اقدامات

لاہور (ڈیلی پاکستان آن لائن) وزیراعلیٰ پنجاب مریم نواز کے پیشگی حفاظتی اقدامات کی بدولت دریا میں ڈوبتے شخص کو بچا لیا گیا۔

یہ بھی پڑھیں: ایسے معاشرے کی تشکیل چاہتے ہیں جہاں ہر شہری کو مساوی مواقع، انصاف اور عزت حاصل ہو: وزیر اعلیٰ پنجاب

ہنگامی صورتحال

اٹک کے نواحی علاقے ماڑی کنجور کے قریب دریائے ہرو میں چرواہا اچانک آنے والے سیلابی ریلے کی لپیٹ میں آگیا۔ اطلاع ملنے پر ریسکیو1122 کی تیار ٹیم فوراً ماڑی کنجور میں دریا ہرو پہنچ گئی۔ ریسکیو1122 ایمرجنسی سروس کے ماہراور مشتاق ریسکیورز نے فوری امدادی کارروائی کا آغاز کردیا۔

یہ بھی پڑھیں: خیبرپختونخوا حکومت ملک کے لیے خطرہ بن گئی ہے، احسن اقبال

نجات کی کارروائی

ریسکیورز نے سینکڑوں فٹ نیچے جا کر مدد کے منتظر چرواہے کو دریا سے بحفاظت نکال لیا۔ ریسکیو ٹیم نے 45 سالہ شہری کو دریائے ہرو کے سیلابی ریلے سے نکال کر محفوظ مقام پر منتقل کیا۔ متاثرہ شخص نے وزیراعلیٰ مریم نواز اور ریسکیورز کا شکریہ ادا کیا اور کہا کہ ’’اللہ تعالیٰ نے نئی زندگی دی‘‘

یہ بھی پڑھیں: فیلڈ مارشل سید عاصم منیر کا بھارت کو واضح پیغام

صوبائی انتظامیہ کی تیاری

یہ امر قابل ذکر ہے کہ وزیراعلیٰ مریم نواز کی ہدایت پر صوبہ بھر میں کمشنر، ڈپٹی کمشنر اور ریسکیو ٹیم کو مون سون کے آغاز پر ہی الرٹ کردیا گیا۔ انتظامیہ اور ریسکیو ٹیموں کے متحرک اور الرٹ ہونے کی وجہ سے ضلع اٹک کے نواحی علاقے ماڑی کنجور میں بروقت کارروائی سے انسانی جان بچائی جاسکی۔