چیف ایگزیکٹو لیسکو کی زیر صدارت ایم اینڈ ٹی ہیڈز کا اجلاس، اہم فیصلے

لاہور میں اجلاس

لاہور (ڈیلی پاکستان آن لائن) چیف ایگزیکٹو لیسکو انجینئر محمد رمضان بٹ کی زیر صدارت ہیڈ کوارٹرز میں ایم اینڈ ٹی ہیڈز کا اجلاس ہوا جس میں متعدد اہم فیصلے کیے گئے۔

یہ بھی پڑھیں: جنوبی افریقہ نے سری لنکا کو پہلے ٹیسٹ میں بڑے مارجن سے شکست دے دی

سی ای او کا پیغام

اجلاس سے خطاب کرتے ہوئے سی ای او لیسکو انجینئر محمد رمضان بٹ کا کہنا تھا کہ آپریشنل سٹاف لیسکو کے کیپٹن اور ادارے میں ریڑھ کی ہڈی کی حیثیت رکھتا ہے جسے ہر ممکن سپورٹ فراہم کی جائے گی۔ لیسکو ہماری ماں ہے جس کی خدمت ہم سب کا فرض اور ذمہ داری ہے۔ بجلی چوری کے معاملے پر ہماری زیرو ٹالیرنسی پالیسی ہے، اس میں ملوث عناصر سے کوئی رعایت نہ برتی جائے۔ لیسکو میں مٹیریل کی کوئی کمی نہیں ہے اور سٹورز میں تمام اشیاء وافر مقدار میں موجود ہیں۔

یہ بھی پڑھیں: نادرا نے ملک بھر میں پوسٹ آفسز میں شناختی کارڈ سروس بند کردی

اہم فیصلے

اجلاس میں فیصلہ کیا گیا کہ آئندہ ایم اینڈ ٹی کی رپورٹ کے بغیر کسی میٹر کو ڈیفیکٹو قرار نہیں دیا جائے گا۔ نئے اے ایم آئی میٹر آرہے ہیں جن کی قیمت زیادہ ہوگی، لہذا ایم اینڈ ٹی ڈیپارٹمنٹ کی انسپکشن کے بغیر کوئی پرانا میٹر اتارا اور نیا میٹر لگایا نہیں جائے گا۔

اجلاس میں موجود افراد

اجلاس میں ڈائریکٹر آپریشن اعجاز بھٹی، ڈائریکٹر کسٹمر سروس عباس علی، چیف انجینئر آپریشن ندیم ملک بھی موجود تھے۔