باجوڑ دھماکے کی ایف آئی آر درج، 7 دہشت گردوں کی نشاندہی ہو گئی

باجوڑ دھماکے کی ایف آئی آر

باجوڑ (ڈیلی پاکستان آن لائن) باجوڑ دھماکے کی ایف آئی آر تھانہ سی ٹی ڈی میں درج کر لی گئی اور واقعے پر سی ٹی ڈی نے رپورٹ تیار کر لی۔

یہ بھی پڑھیں: اسلام آباد میں ڈینگی کا ممکنہ پھیلاؤ، تمام لیبارٹریز کیلئے ٹیسٹ فیس مختص کر دی گئی

رپورٹ میں حاصل ہونے والی معلومات

رپورٹ میں کہا گیا ہے کہ دھماکے کی جگہ سے موٹرسائیکل کے پرزے، بارودی مواد اور آئی ای ڈی کے ٹکڑے بھی ملے ہیں۔ واقعے میں ملوث 7 دہشت گردوں کی نشاندہی ہو گئی ہے۔

یہ بھی پڑھیں: تمام جماعتیں متفق ہوجائیں کس قسم کا پاکستان چاہتی ہیں، آپ اتفاق کرلیں ہم عمران خان کو راضی کر لیں گے، محمود خان اچکزئی

گورنر خیبرپختونخوا کا دورہ

’’جنگ‘‘ کے مطابق گورنر خیبرپختونخوا فیصل کریم کنڈی نے لیڈی ریڈنگ اسپتال کا دورہ کیا اور باجوڑ دھماکے کے زخمیوں کی عیادت کی۔ اس موقع پر گفتگو کرتے ہوئے انہوں نے کہا کہ دھماکے کے زخمیوں کو علاج کی بہترین سہولتیں فراہم کی جائیں۔

واقعات کی تفصیلات

واضح رہے کہ گزشتہ روز باجوڑ کے مقام پھاٹک میلہ کے قریب دھماکے میں اسسٹنٹ کمشنر، تحصیل دار اور پولیس اہل کاروں سمیت 5 افراد شہید ہوئے تھے。