پاکستان اور آذربائیجان کے وزرائے خارجہ کی ملاقات، دوطرفہ تعلقات مضبوط بنانے کے عزم کا اعادہ

اسحاق ڈار کی آذربائیجان میں ملاقات

باکو (ڈیلی پاکستان آن لائن) اقتصادی تعاون تنظیم کے اجلاس کے لیے آذربائیجان میں موجود نائب وزیراعظم و وزیر خارجہ اسحاق ڈار نے آذربائیجان کے وزیر خارجہ سے ملاقات کی جس میں دوطرفہ تعاون بڑھانے کا عزم کیا گیا۔

یہ بھی پڑھیں: مردان کے پہاڑوں سے سرکاری ملازمین سمیت 4افراد کی لاشیں برآمد

17ویں سربراہ اجلاس کی سائیڈ لائن پر سرگرمیاں

آذربائیجان میں اقتصادی تعاون تنظیم (ای سی او) کے 17ویں سربراہ اجلاس کی سائیڈ لائن پر وزیر خارجہ اسحاق ڈار کی اہم سفارتی سرگرمیاں جاری ہیں۔ اسحاق ڈار نے آذربائیجان کے وزیر خارجہ جیہون بیراموف سے ملاقات کی، جس میں دو طرفہ تعلقات، علاقائی تعاون اور اقتصادی شراکت داری پر تبادلۂ خیال کیا گیا۔

یہ بھی پڑھیں: یقین سے خریداری، مایوسی سے واپسی: پاکستانی صارفین ٹیمو سے کیا سیکھ رہے ہیں؟

اجلاس کی کامیاب میزبانی پر مبارکباد

وزیر خارجہ اسحاق ڈار نے آذربائیجان کو اجلاس کی کامیاب میزبانی پر مبارکباد پیش کی اور ای سی او میں آذربائیجان کے فعال کردار کو سراہا۔ دونوں رہنماؤں نے دوطرفہ تعلقات کو مزید مضبوط بنانے پر اطمینان کا اظہار کیا۔

Pleased to meet with my brother again, Foreign Minister of Azerbaijan @Bayramov_Jeyhun, on the sidelines of the 17th ECO Summit in Khankendi.

I congratulated Azerbaijan’s leadership on the successful hosting of the Summit and lauded its proactive role in ECO. We reaffirmed that… pic.twitter.com/mfMfw8tZzY

— Ishaq Dar (@MIshaqDar50) July 4, 2025

یہ بھی پڑھیں: چیف جسٹس نے ججز کے تبادلوں پر رضامندی ظاہر کی تھی: رجسٹرار سپریم کورٹ

مختلف شعبوں میں تعاون کی توثیق

ذرائع کے مطابق ملاقات میں توانائی، تجارت، تعلیم اور ٹیکنالوجی سمیت مختلف شعبوں میں تعاون کو مزید گہرا کرنے کے عزم کا اعادہ بھی کیا گیا۔ وزیر خارجہ کی دیگر اہم رہنماؤں سے ملاقاتیں بھی متوقع ہیں جن میں علاقائی و عالمی امور پر تبادلۂ خیال ہوگا۔

وزیراعظم کا متوقع خطاب

واضح رہے کہ وزیراعظم شہباز شریف آج ای سی او اجلاس سے انتہائی اہم خطاب بھی کریں گے جس میں وزیرِ اعظم عالمی و علاقائی امور، تجارت کے فروغ، پائیدار ترقی، علاقائی روابط کی مضبوطی اور خطے کے چیلنجز کے حل پر گفتگو کریں گے۔