پاکستان سے کشیدگی کے بعد بھارت کا ڈرونز کے لیے 23 کروڑ ڈالر کا نیا ترغیبی پروگرام

بھارت کا نیا ڈرون منصوبہ

نئی دہلی(ڈیلی پاکستان آن لائن) بھارت نے پاکستان کے ساتھ حالیہ فوجی کشیدگی اور ڈرون ٹیکنالوجی کی بڑھتی ہوئی دوڑ کے پیشِ نظر ڈرونز اور ان کے پرزہ جات کی مقامی سطح پر تیاری کو فروغ دینے کے لیے 23 کروڑ 40 لاکھ ڈالر مالیت کا ترغیبی منصوبہ متعارف کرانے کا فیصلہ کیا ہے۔

یہ بھی پڑھیں: فیصل آباد کے نوجوان لڑکے اور لڑکی کو مردان میں قتل کر دیا گیا

مقامی ڈرون کی تیاری کا مقصد

ڈان نے خبر رساں ادارے ’رائٹرز‘ کی رپورٹ کے حوالے سے بتایا کہ تین ذرائع کے مطابق بھارت مقامی اور عسکری سطح پر ڈرونز کی تیاری کو فروغ دینے کے لیے 23 کروڑ 40 لاکھ ڈالر کا ایک ترغیبی پروگرام شروع کرنے جا رہا ہے، تاکہ درآمد شدہ پرزہ جات پر انحصار کم کیا جا سکے۔ یہ اقدام پاکستان کے ایسے ہی پروگرام کا مقابلہ کرنے کے لیے ہے جو چین اور ترکیہ کی مدد سے جاری ہے۔

یہ بھی پڑھیں: حکومت نے کس چیز کے ذریعے 220 ارب کا قرض لے لیا؟ بڑی خبر

فوجی کشیدگی کے اثرات

بھارت اور پاکستان کے درمیان حالیہ فوجی کشیدگی اس وقت شروع ہوئی جب بھارت نے پہلگام حملے کا الزام پاکستان پر عائد کیا۔ 6 اور 7 مئی کی درمیانی رات کو نئی دہلی نے پاکستان پر فضائی حملے کیے جن کے نتیجے میں عام شہری ہلاک ہوئے۔ بعد ازاں دونوں ممالک کے درمیان میزائلوں کا تبادلہ کئی دنوں تک جاری رہا، بالآخر امریکی مداخلت کے بعد کشیدگی کم ہو سکی۔

یہ بھی پڑھیں: سونے کی قیمت میں کمی

ترغیبی پروگرام کی تفصیلات

دو سرکاری اور ایک صنعتی ذرائع کے مطابق، جو اپنا نام ظاہر نہیں کرنا چاہتے، نئی دہلی تین سالہ 23 کروڑ 40 لاکھ ڈالر کا یہ پروگرام شروع کرے گا جو ڈرونز، ان کے پرزہ جات، سافٹ ویئر، کاؤنٹر ڈرون سسٹمز اور متعلقہ خدمات کی تیاری پر مشتمل ہوگا۔

یہ بھی پڑھیں: سپین میں پاکستانی کمیونٹی کے مسائل کے حل کے لیے سوشلسٹ پارٹی کے رہنماؤں سے ملاقات

مالی مدد اور مستقبل کی منصوبہ بندی

یہ تفصیلات اس سے قبل کبھی منظرِ عام پر نہیں آئیں، منصوبے پر اخراجات 2021 میں شروع کیے گئے ایک ارب 20 کروڑ بھارتی روپے کی پروڈکشن لنکڈ سکیم سے کہیں زیادہ ہیں۔ بھارت کی وزارت سول ایوی ایشن، جو اس پروگرام کی قیادت کر رہی ہے، نے تبصرے کی درخواست پر فوری طور پر کوئی جواب نہیں دیا۔

یہ بھی پڑھیں: مودی کون ہوتا ہے سندور دینے والا، اپنی بیوی کو بھیجے؟

بھارتی ڈرون صنعت کی ترقی

بھارت کا ہدف یہ ہے کہ مالی سال 2028 کے اختتام تک اہم ڈرون پرزہ جات کا کم از کم 40 فیصد ملک میں تیار کیا جائے۔ بھارتی سیکریٹری دفاع راجیش کمار سنگھ نے گزشتہ ہفتے کہا کہ پاک-بھارت تنازع کے دوران دونوں طرف سے ڈرونز کا خاصا استعمال ہوا، جس سے یہ سبق ملا کہ اندرونِ ملک تیاری کی کوششوں کو دوگنا کرنا ہوگا۔

یہ بھی پڑھیں: اے ڈی بی پاکستان کیلئے پالیسی بیسڈ لون کی منظوری پر غور کرے گا: وزیر خزانہ

حصول سہولیات انڈسٹریز کے لیے

سرکاری ذرائع کے مطابق، حکومت ان اداروں کو اضافی ترغیبات دے گی جو پرزہ جات ملک کے اندر سے حاصل کریں گے۔ مزید یہ کہ سمال انڈسٹریز ڈیولپمنٹ بینک آف انڈیا اس پروگرام کی معاونت کرے گا اور کاروباری اداروں کو ورکنگ کیپیٹل اور تحقیق و ترقی کے لیے سستے قرضے فراہم کرے گا۔