بھارتی سرکاری افسران بھی بی جے پی غنڈوں کے ہاتھوں غیر محفوظ
مودی سرکار کی ریاستی دہشتگردی
نئی دہلی(ڈیلی پاکستان آن لائن)منی پور سے کولکتہ اور کشمیر سے اوڈیشہ تک، مودی سرکار کے سیاسی غنڈوں کی ریاستی دہشتگردی عروج پر ہے۔ سرکاری افسران کو دن دہاڑے دفاتر میں گھس کر تشدد کا نشانہ بنایا جانے لگا۔
یہ بھی پڑھیں: توشہ خانہ کیس میں بشری بی بی کی عبوری ضمانت میں توسیع
بھوبنیشور میں تشدد کا واقعہ
نجی ٹی وی ایکسپریس نیوز نے دی انڈین ایکسپریس کے حوالے سے بتایا کہ بھوبنیشور میونسپل کارپوریشن کے سینئر افسر رتناکر ساہو کو بی جے پی کارکنوں نے دفتر سے گھسیٹ کر سرِعام مارا پیٹا۔ بی جے پی رہنما جگن ناتھ پردھان سے معافی نہ مانگنے پر سینئر سرکاری افسر پر بدترین تشدد کیا گیا۔
یہ بھی پڑھیں: چین کا انسداد دہشتگردی کے مؤقف پر پاکستان کی حمایت کا اعلان
افسران کی اجتماعی چھٹی
بھارتی میڈیا کے مطابق واقعے کے بعد اوڈیشہ کے اعلیٰ سرکاری افسران خوفزدہ ہو کر احتجاجاً اجتماعی چھٹی پر چلے گئے، دو روز سے 20 سے زائد اضلاع میں سرکاری افسران کی غیرحاضری کے باعث انتظامی امور مکمل طور پر مفلوج ہوگئے۔
یہ بھی پڑھیں: دبئی نے دھڑا دھڑ بھارتی شہریوں کی ویزا درخواستیں مسترد کرنا شروع کردیں
ایڈمنسٹریٹو سروس ایسوسی ایشن کا ردعمل
اوڈیشہ ایڈمنسٹریٹو سروس ایسوسی ایشن نے کہا مودی سرکار کی خاموشی غنڈہ گرد عناصر کی حوصلہ افزائی کر رہی ہے۔ بی جے پی کارکن مودی سرکار کی پشت پناہی کے باعث قانون ہاتھ میں لینے سے نہیں گھبراتے۔ ایسوسی ایشن کا مطالبہ ہے کہ فوری طور پر بی جے پی رہنما جگن ناتھ پردھان کو گرفتار کیا جائے۔
یہ بھی پڑھیں: موٹروے پولیس کی دھند کے موسم کیلئے ٹریول ایڈوائزری جاری
سرکاری افسران کا عدم تحفظ
دی انڈین ایکسپریس کے مطابق اس حملے سے اوڈیشہ کے سرکاری افسران کا مورال مکمل طور پر تباہ ہو گیا، وہ اب دفاتر میں خود کو غیر محفوظ سمجھ رہے ہیں۔ ریاست کے اعلیٰ افسران نے اس وقت تک ڈیوٹی پر واپس نہ آنے کا اعلان کیا جب تک بی جے پی رہنما کے خلاف فیصلہ کُن کارروائی نہیں ہوتی۔
یہ بھی پڑھیں: آئینی مقدمات کو اب تک سماعت کے لیے کیوں مقرر نہیں کیا جا سکا؟ وجہ سامنے آ گئی
مودی سرکار کی گڈ گورننس کا پول
اوڈیشہ واقعے نے مودی کی نام نہاد گڈ گورننس کو بے نقاب کر دیا۔ مودی سرکار نے بھارت کو جمہوریت کے بجائے ہندو انتہا پسندی اور ریاستی دہشت گردی کا مرکز بنا دیا۔
قانون اور انسانی حقوق کی خلاف ورزی
مودی سرکار سیاسی غنڈوں کی سرپرستی کرکے قانون، انصاف اور انسانی حقوق کے قتلِ عام کی مرتکب ہے۔
