ایلون مسک کی سیاست میں باضابطہ انٹری، الیکشن کمیشن میں کاغذات جمع کرادیے

ایلون مسک کی سیاسی دنیا میں انٹری

واشنگٹن (ڈیلی پاکستان آن لائن) دنیا کے امیر ترین شخص ایلون مسک نے بالآخر سیاست میں باقاعدہ قدم رکھ دیا ہے۔ تازہ ترین اطلاعات کے مطابق، انہوں نے "امریکہ پارٹی" (America Party) کے نام سے ایک نئی سیاسی جماعت کے لیے ایف ای سی (فیڈرل الیکشن کمیشن) میں کاغذات جمع کروا دیے ہیں۔

یہ بھی پڑھیں: پی آئی اے کا لاہور سے پیرس پروازوں پر 15 فیصد رعایت کا اعلان

امریکہ پارٹی کا ہیڈکوارٹر

اس سیاسی جماعت کا ہیڈکوارٹر "1 راکٹ روڈ" درج کیا گیا ہے، جو کہ اسپیس ایکس کا معروف پتہ ہے، اور جماعت کے واحد امیدوار کے طور پر خود ایلون مسک کا نام درج ہے۔

یہ بھی پڑھیں: پی آئی اے نے ٹورنٹو جانے کے ٹکٹوں پر 15 فیصد رعایت کا اعلان کیا

ٹیسلا کا چیف فنانشل آفیسر بھی شامل

دلچسپ بات یہ ہے کہ ٹیسلا کے چیف فنانشل آفیسر ویبھو تنیجا کو پارٹی کا خزانچی (Treasurer) اور ریکارڈز کا نگران (Custodian of Records) مقرر کیا گیا ہے، جو اس اقدام کو مکمل قانونی اور مالیاتی سٹرکچر فراہم کرتا ہے۔

سیاسی مہمات کے لیے فنڈنگ

یہ کاغذی کارروائی ایلون مسک کو یہ قانونی اختیار دیتی ہے کہ وہ پارٹی کے لیے فنڈز اکٹھے کر سکیں اور انہیں سیاسی مہمات یا کسی بھی ممکنہ الیکشن میں حصہ لینے کے لیے استعمال کر سکیں۔ اس اقدام نے نہ صرف امریکی سیاست کے منظرنامے کو چونکا دیا ہے بلکہ 2026 کے وسط مدتی انتخابات (mid-term elections) کو بھی خاصا دلچسپ اور متحرک بنا دیا ہے.