ہمیں نفرتوں کے بیج بونے کی بجائے محبتیں بانٹنا ہے: اعظم نذیر تارڑ

وفاقی وزیر قانون کا پیغام

لاہور (ڈیلی پاکستان آن لائن) وفاقی وزیر قانون اعظم نذیر تارڑ نے کہا ہے کہ پاکستان کو آج خدمت اور محبت کرنے والوں کی ضرورت ہے۔

یہ بھی پڑھیں: پی آئی اے ریاض کی جانب سے سنیئر مینجر شیخ ارشد کے اعزاز میں الوداعی تقریب منعقد کی گئی

اہم تقریب کا انعقاد

صوبائی دارالحکومت میں سول سروسز اکیڈمی والٹن میں اقلیتوں کے نیشنل آؤٹ ریچ پروگرام کی افتتاحی تقریب سے خطاب کرتے ہوئے اعظم نذیر تارڑ نے کہا کہ ہمیں نفرتوں کے بیج بونے کی بجائے محبتیں بانٹنا ہیں۔ اقلیتوں کے حقوق کے تحفظ کے لیے ڈرافٹ تیار کر لیا ہے۔ قومی پرچم کا سفید رنگ دراصل ہمارے دلوں میں ہونا چاہیے۔ بدقسمتی سے عدم برداشت اور عدم رواداری کو فروغ ملا لیکن ہمیں اب غریب اور نادار لوگوں کی مدد کرنے والا پاکستان بنانا ہے۔

نظام کی بہتری کی ضرورت

’’جنگ‘‘ کے مطابق وفاقی وزیر قانون اعظم نذیر تارڑ نے کہا کہ حکومت آئین پاکستان کے فریم ورک کے تحت کام کرتی ہے۔ نوجوان نسل کو آگے لانے کے لیے ہمیں اپنا نظام درست کرنا ہے۔ ہمیں قوم کو بہترین معمار فراہم کرنے ہیں اور مل کر معاشرے کی بہتر تربیت کا انتظام بھی کرنا ہے۔