راولپنڈی: مبینہ پولیس مقابلہ، خطرناک اشتہاری ملزم مارا گیا، 2 ساتھی فرار

پولیس مقابلے میں اشتہاری ملزم کی ہلاکت

راولپنڈی (ڈیلی پاکستان آن لائن) مبینہ پولیس مقابلے کے دوران خطرناک اشتہار ملزم مارا گیا جبکہ ملزم کے دو ساتھی فرار ہوگئے۔

یہ بھی پڑھیں: امریکہ اور ایران کے درمیان جامع امن معاہدہ ہوجائیگا: امریکی مندوب

واقعے کی تفصیلات

نجی ٹی وی دنیا نیوز کے مطابق سی سی ڈی ٹیم نے اشتہاری ملزموں کی موجودگی کی اطلاع پر گرفتاری کے لئے ریڈ کیا تو ملزموں نے فائرنگ کردی۔ واقعہ کی اطلاع پر سینئر پولیس افسر موقع پر پہنچ گئے۔ ایک ملزم موقع پر مارا گیا، ہلاک شخص کی شناخت زعفران عرف علی باغی کے نام سے ہوئی ہے جو سنگین مقدمات، بھتہ خوری جبکہ قتل و اقدام قتل کی وارداتوں میں ریکارڈ یافتہ و مطلوب تھا۔

پولیس کی جانب سے کارروائی

ایس ایس پی سی سی ڈی کا کہنا تھا کہ شہریوں کی جان و مال اور پولیس پر حملہ کرنے والے قانون کی گرفت سے نہیں بچ سکتے۔ فرار ہونے والے ملزموں کی گرفتاری کے لئے چھاپے مارے جا رہے ہیں۔