عمران خان کی وزیر اعلیٰ خیبرپختونخواہ کو ڈی چوک پہنچنے کی ہدایت!

عمران خان کی ہدایت

اسلام آباد (ڈیلی پاکستان آن لائن) تحریک انصاف کے بانی چیئرمین عمران خان نے وزیر اعلیٰ خیبرپختونخوا علی امین گنڈا پور کو ہر صورت ڈی چوک پہنچنے کی ہدایت کی ہے۔

یہ بھی پڑھیں: حکومتی کوششیں رائیگاں، سنی اتحاد کونسل کا پارلیمانی کمیٹی میں شرکت سے پھر انکار

احتجاج کی حکمت عملی

ایکسپریس نیوز کے مطابق عمران خان کی ہدایت کی روشنی میں علی امین گنڈاپور ہر حال میں ڈی چوک پہنچیں گے چاہے دو دن کیوں نہ لگ جائیں۔ پاکستان تحریک انصاف کی اعلی قیادت نے احتجاج کی حکمت عملی مکمل کر لی ہے۔ بانی چیئرمین کی ہدایت پر چئیرمین پی ٹی آئی بیرسٹر گوہر، شیخ وقاص اکرم اور دیگر عہدیداران نے حکمت عملی فائنل کی اور علی امین گنڈاپور کو بانی چئیرمین کا پیغام پہنچایا گیا ہے۔

یہ بھی پڑھیں: امریکہ نے ثالثی کا کردار ادا کرنے کیلئے کوئی رابطہ نہیں کیا: عرفان صدیقی

ڈی چوک پر احتجاج کی تفصیلات

ڈی چوک پر ہونے والے احتجاج میں اراکین قومی اسمبلی شریک نہیں ہوں گے جبکہ ڈی چوک میں احتجاج کی ذمہ داری راولپنڈی اسلام آباد کی تنظیم کی ہوگی۔ علی امین گنڈا پور کے پہنچنے تک مقامی قیادت احتجاج کرے گی۔ کارکنان کے لئے ماسک، نمک، پانی، کپڑے سمیت دیگر چیزوں کا بھی انتظام کر لیا گیا ہے۔

نگرانی اور مشاورت

بیرسٹر گوہر اور شیخ وقاص اکرم تمام احتجاج کی نگرانی کریں گے، اس کے علاوہ ایم این ایز اپنے حلقے کے لوگوں کو احتجاج میں آنے کی ہدایت دیں گے۔