1 مئی کیس: شاہ محمود قریشی کی بریت کی درخواست پر فیصلہ محفوظ

پی ٹی آئی رہنما کا کیس

اسلام آباد(ڈیلی پاکستان آن لائن) ڈسٹرکٹ اینڈ سیشن کورٹ اسلام آباد میں پی ٹی آئی رہنما شاہ محمود قریشی ودیگر کے خلاف 9 مئی کیس کی سماعت ہوئی اور فیصلہ محفوظ کر لیا گیا۔

یہ بھی پڑھیں: پاک بھارت مقابلہ، ٹکٹ بلیک مارکیٹ میں چار گنا قیمت پر پہنچ گئے

سماعت کی تفصیلات

نجی ٹی وی چینل دنیا نیوز کے مطابق جوڈیشل مجسٹریٹ شہزاد خان نے کیس پر سماعت کی، عدالت نے شاہ محمود قریشی کی طرف سے بریت کی درخواست پر فیصلہ محفوظ کر لیا، شاہ محمود قریشی کے وکیل علی بخاری عدالت میں پیش ہوئے۔

یہ بھی پڑھیں: اے آئی کو فوجی مقاصد کے لیے استعمال میں لانے کے لیے امریکی محکمہ دفاع نے اوپن اے آئی سے معاہدہ کرلیا

وکالت کی حیثیت

شاہ محمود کے وکیل علی بخاری نے مؤقف اپنایا کہ عدالت نے اس کیس میں کئی ملزمان کو بری کیا ہے، عدالت نے ملزمان کو 8 مارچ 2025 کو اس کیس میں بری کیا ہے۔

الزامات کی نوعیت

وکیل علی بخاری نے بتایا کہ محمود قریشی پہ الزام ہے کہ انہوں نے بانی پی ٹی آئی کی طرف سے ویڈیو پیغام پر ان کے ایما پر توڑ پھوڑ کی، شاہ محمود قریشی کے خلاف تھانہ ترنول میں مقدمہ درج ہے۔