سابق چیف سلیکٹر اظہر خان نے کپتانی کے لیے کس کھلاڑی کو بہترین قرار دیا؟ جانیں

محمد رضوان کی کپتانی پر اظہار خیال

لاہور(ڈیلی پاکستان آن لائن) پی سی بی کے سابق چیف سلیکٹر اظہر خان نے کہا ہے کہ وکٹ کیپر بیٹر محمد رضوان موجودہ صورتحال میں کپتانی کے لئے بہترین چوائس ہوں گے۔

یہ بھی پڑھیں: دریائے سوات میں بارش کے بعد پانی کا ریلہ 18 افراد کو بہا لے گیا

کپتانی کی صلاحیتیں

نجی ٹی وی سے بات کرتے ہوئے اظہر خان کا کہنا تھا کہ کپتانی اگر انسان کے ڈی این اے میں شامل نہیں ہے تو اسے سنبھالنا آسان نہیں ہوتا۔ اگر آپ دنیا کے تمام بڑے بڑے کرکٹرز کو لیں تو بہت سے ایسے کرکٹرز ہیں جو کہ اچھے کپتان ثابت نہیں ہوئے تھے، لیکن انہوں نے اپنی پرفارمنس ہمیشہ زبردست رکھی۔

یہ بھی پڑھیں: 1 مئی جلاﺅ گھیراﺅ کیس: پی ٹی آئی کے مزید 6 شرپسندوں پر فرد جرم عائد، 42پر پہلے ہی لگ چکی

کپتان کی ذمہ داریاں

سابق چیف سلیکٹر کا کہنا تھا کہ ہمارا مسئلہ یہ ہے کہ ہمارے ہاں جب کوئی کپتان بنتا ہے تو وہ سمجھتا ہے کہ اب میں کپتان بن گیا ہوں اور مجھے اب کسی چیز کی ضرورت نہیں ہے۔ جو میری سوچ ہے باقی دس کھلاڑیوں نے اسے پرفارم کرنا ہے۔ اگر وہ سچ میں فرنٹ سے لیڈ کرتا ہے اور پرفارم کرتا ہے تو دوسرے لڑکے اس کی بات سنیں گے۔

بابر اعظم کا متبادل

انہوں نے سابق کپتان بابر اعظم کے متبادل کے حوالے سے پوچھے گئے سوال کے جواب میں کہا کہ میرا خیال ہے کہ پاکستانی ٹیم میں اس وقت بہت بڑا خلا ہے اور پی سی بی کا تھنک ٹینک سوچ رہا ہوگا کہ بابر اعظم کی جگہ کس کو قیادت سونپیں، لیکن یہ اتنا آسان نہیں کیونکہ آپ کو ابھی آسٹریلیا جا کر بھی کھیلنا ہے۔ میرے خیال میں محمد رضوان اس صورتحال میں بہترین چوائس ہوں گے۔