اہل بیتؓ سے محبت کرنے والے کبھی گمراہ نہ ہوں گے: شیخ الاسلام ڈاکٹر طاہرالقادری

قرآن اور اہل بیتؓ کے ساتھ تعلق

لاہور(ڈیلی پاکستان آن لائن) تحریک منہاج القرآن کے بانی و سرپرست اعلیٰ ڈاکٹر محمد طاہر القادری نے کہا ہے کہ قرآن اور اہل بیتؓ سے مضبوط قلبی و حبی تعلق رکھنے والے کبھی صراط مستقیم سے نہیں ہٹیں گے اور نہ ہی شیطان مردود انہیں گمراہ نہیں کر سکے گا۔ یہ ضمانت کسی اور نے نہیں سرور کائنات حضور نبی اکرم ﷺ کی طرف سے اُمت کو عنایت کی گئی ہے۔ آپ ﷺ نے فرمایا، "اے لوگو میں تمہارے اندر دو چیزیں چھوڑے جارہا ہوں اگر تم ان دونوں کی پیروی کرو گے تو ہر گز گمراہ نہیں ہو گے، وہ دو چیزیں اللہ کی کتاب اور میرے اہل بیت ہیں، ان دونوں سے جڑے رہنا۔"

یہ بھی پڑھیں: 12 سال قبل پسند کی شادی کرنے والی چار بچوں کی ماں کو والدین کے گھر میں قتل کردیا گیا۔

اہل بیتؓ سے محبت کی اہمیت

شیخ الاسلام ڈاکٹر محمد طاہر القادری نے کہا کہ فرمان رسولؐ ﷺ ہے کہ "اہل بیتؓ سے محبت کرنے والوں کو خیرو برکت والی نفع بخش لمبی عمر عطا ہو گی۔" اور آپ ﷺ نے فرمایا "جو میری عترت سے اچھا سلوک نہیں کرے گا اُس کی عمر بے برکت ہو گی اور وہ قیامت کے دن مجھ سے اس حال میں ملاقات کرے گا کہ اُس کا چہرہ سیاہ ہو گا۔"

یہ بھی پڑھیں: احتساب عدالت فیصلے میں وجوہات نہیں، کیس واپس بھیج دیتے ہیں کہ فیصلہ کرکے وجوہات دیں، چیف جسٹس عامر فاروق کے بریت کی درخواستوں پر ریمارکس

ہدایت و راہنمائی کا پیغام

ڈاکٹر محمد طاہر القادری نے کہا کہ سرور کائنات ﷺ نے اللہ کے سوا کبھی کسی سے کچھ نہیں مانگا، ہمیشہ ہدایت و راہنمائی کے موتیوں سے اُمت کی جھولیاں بھریں، اُمت کی بخشش و نجات کے لئے طویل سجدے کیے، اللہ کے حضور التجائیں کیں اور اپنے در پر آنے والے کسی سوالی کو خالی ہاتھ نہیں لوٹایا۔ اللہ کے رسول ﷺ نے اپنی ظاہری حیات میں اُمت سے صرف ایک چیز مانگی کہ "میرے بعد قرآن اور میری عترت سے سلوک کرنے میں مجھے نگاہ میں رکھنا"۔ صرف یہی نہیں فرمایا بلکہ یہ بھی فرمایا کہ "اس معاملہ میں، میں آپ کو اللہ کی یاد دلاتا ہوں"۔

اہل بیتؓ کے احترام کی تعلیم

انہوں نے کہا کہ امام طبرانیؒ نے اس حدیث مبارکہ کی ایک ایمان افروز تخریج کی ہے کہ آپ ﷺ کا فرمان ہے کہ "قرآن اور میری اہل بیت سے پیچھے پیچھے رہنا، ان سے آگے نہ بڑھنا ورنہ ہلاک ہو جاؤ گے اور نہ تم ان کو سکھاؤ کیونکہ وہ تم سے زیادہ جانتے ہیں"۔ انہوں نے کہا کہ جو لوگ اہل بیت سے محبت و مودت میں نفس کی شرانگیزی کا شکار ہو رہے ہیں اور یزید ملعون کے معاملے میں نرم گوشوں کی تلاش میں ہیں وہ مذکورہ بالا فرامین رسول اللہ ﷺ کو نہ بھولیں اور حد سے نہ بڑھیں کہ کہیں انہیں سیاہ چہروں کے ساتھ آقائے دو جہاں ﷺ کا سامنا نہ کرنا پڑ جائے۔