نئی سیاسی جماعت کا نعرہ جئےعوام ہوگا،ذوالفقار علی بھٹوجونیئر

ذوالفقار علی بھٹو جونیئر کا نئی سیاسی جماعت بنانے کا اعلان

لاہور (ڈیلی پاکستان آن لائن) سابق وزیراعظم اور پیپلز پارٹی کے بانی ذوالفقار علی بھٹو کے پوتے ذوالفقار علی بھٹو جونیئر نے نئی سیاسی جماعت بنانے کا اعلان کردیا۔

یہ بھی پڑھیں: پی ڈی ایم اے کی پنجاب میں مون سون بارشوں کے تیسرے سپیل کی پیشگوئی

پریس کانفرنس کی تفصیلات

لاہور پریس کلب میں پریس کانفرنس کرتے ہوئے ذوالفقار علی بھٹو جونیئر نے کہا کہ روٹی، کپڑا اور مکان کا نعرہ آج بھی موجود ہے، ہمیں آج مزید 3 چیزیں بجلی، گیس اور پانی بھی چاہیے، ہمارا نعرہ جئے عوام ہوگا۔ وہ ایک نئی سیاسی جماعت بنا رہے ہیں جس کا باقاعدہ اعلان جلد کیا جائے گا。

زرداری گروپ کی تنقید

جیو نیوز کے مطابق ان کا کہنا تھا کہ زرداری گروپ نے جئے بھٹو کو کرپشن کا نعرہ بنادیا، کارپوریٹ فارمنگ زمینوں پر قبضہ کرنے کا منصوبہ ہے۔ پنجاب کے کسان ملکی معیشت میں ریڑھ کی ہڈی کی حیثیت رکھتے ہیں۔ وہ جماعتیں آج کہاں ہیں جو کسانوں کی بات کرتی ہیں؟ اگر سندھ کے کسان بھی پنجاب کی طرح آواز اٹھائیں گے تو وہ اسلام آباد کی طرف مل کر چلیں گے۔