حمیرہ اصغر کیس: تحقیقات میں پیش رفت، پولیس نے الیکٹرانکس گیجٹس کھول لیے

اداکارہ حمیرا اصغر کی موت کی تحقیقات

کراچی (ڈیلی پاکستان آن لائن) پولیس نے کراچی کے علاقے ڈیفنس فیز 6 کے فلیٹ سے مردہ پائی جانے والی اداکارہ حمیرا اصغر کے الیکٹرونکس گیجٹس کھول لیے۔

پولیس کی تفتیشی کارروائیاں

’’جیو نیوز‘‘ کے مطابق کراچی فیز 6 کے فلیٹ میں مردہ پائی جانے والی اداکارہ حمیرا اصغر کے کیس میں تحقیقات مزید آگے بڑھی ہیں۔ پولیس نے اداکارہ کے استعمال میں رہنے والے گیجٹس حاصل کرکے کھول لیے ہیں۔ حمیرا کے پاس 3 موبائل فونز، ایک ٹیبلٹ اور ایک لیپ ٹاپ تھا، جس کے پاس ورڈز ان کی ڈائری میں درج تھے۔ اس کی مدد سے پولیس نے ان گیجٹس کا ڈیٹا حاصل کرلیا ہے۔

بیانات اور مزید تحقیقات

دو افراد کے بیانات بھی قلمبند کر لیے گئے ہیں جب کہ مزید دو افراد کو طلب کیا گیا ہے۔

اداکارہ کے روابط کی جانچ

پولیس کا کہنا ہے کہ اداکارہ جِم اور بیوٹیشن کے پاس جاتی تھیں۔ تحقیقات آگے بڑھانے میں اداکارہ کے جِم ٹرینر سمیت دیگر افراد سے بھی مدد لی جائے گی۔ اداکارہ کا چند لوگوں سے رابطہ رہاہے جب کہ اداکارہ کی بینک اکاؤنٹس کی بھی جانچ کی جارہی ہے۔