تمہاری اوقات بھی نہیں، مولانا فضل الرحمان کے بھائی نے علی امین گنڈاپور کا الیکشن لڑنے کا چیلنج قبول کرلیا

چیلنج کا آغاز

ڈیرہ اسماعیل خان (ویب ڈیسک) جمعیت علماء اسلام کے سربراہ مولانا فضل الرحمان کے بھائی نے وزیر اعلیٰ خیبر پختونخوا علی امین گنڈاپور کا الیکشن لڑنے کا چیلنج قبول کرلیا۔ واضح رہے کہ اتوار کو لاہور میں پارٹی رہنماؤں کے ہمراہ پریس کانفرنس کرتے ہوئے وزیر اعلیٰ پختونخوا علی امین گنڈاپور نے مولانا فضل الرحمان کو کھلا چیلنج دیا تھا۔ علی امین گنڈاپور نے مولانا فضل الرحمان کو چیلنج دیتے ہوئے کہا تھا کہ ڈی آئی خان میں میرے بھائی کے خلاف الیکشن جیت کر دکھائیں، مولانا فضل الرحمان نے الیکشن جیت لیا تو میں استعفیٰ دے دونگا۔

یہ بھی پڑھیں: اسلام آباد سمیت ملک کے مختلف علاقوں میں بارش کی پیشگوئی

جواب میں چیلنج قبول

جیونیوز کے مطابق مولانا فضل الرحمان کے چھوٹے بھائی انجینیئر ضیا الرحمان نے جاری ویڈیو بیان میں وزیراعلیٰ علی امین گنڈاپور کا الیکشن لڑنے کا چیلنج قبول کرتے ہوئے کہا ہے کہ "علی امین گنڈاپور، تمہارا چیلنج قبول ہے، تمہاری اوقات نہیں کہ مولانا فضل الرحمان تمہارا چیلنج قبول کرے۔" انہوں نے وزیر اعلیٰ پختونخوا کو مخاطب کرتے ہوئے کہا کہ پہلے تم مفتی محمود کے اس بیٹے سے مقابلہ کرکے دکھاؤ۔ "مولانا فضل الرحمان نے تو تمہارے لیڈر کو اقتدار کی کرسی سے گھسیٹ کر نکالا تھا، تم اپنے بھائی سے استعفیٰ دلوا کر ان کا مجھ سے مقابلہ کراؤ۔"

یہ بھی پڑھیں: سرسہ ایئر فیلڈ تباہ، بھارتی میڈیا نے تصدیق بھی کر دی

علی امین گنڈاپور کی حالت پر تنقید

ویڈیو بیان میں انجینیئر ضیاء الرحمان نے کہا کہ "میں نے ڈی آئی خان کے چوک میں کھڑے ہوکر کہا تھا کہ اگر ان کا ڈی این اے کیا گیا تو یہ گنڈاپور نہیں نکلے گا۔ گنڈاپور بہادر اور غیرت مند لوگ ہیں، مگر یہ ان میں سے نہیں۔" مولانا فضل الرحمان کے بھائی کے مطابق، علی امین گنڈاپور کے انداز گفتگو اور تکلیف سے انہیں معلوم ہوچکا ہے کہ ان کے چل چلاؤ کا زمانہ آچکا ہے۔

سوشل میڈیا پر ردعمل

تمہارا چیلنج قبول ہے پہلے اس مفتی محمود کے بیٹے سے مقابلہ کر کے دکھاؤ۔ تمہاری اوقات بھی نہیں ہے کے مولانا صاحب تمہارا چیلنج قبول کرے۔ مولانا صاحب نے تو تمہارے لیڈر کو اقتدار کی کرسی سے گھسیٹ کر نکالا تھا۔ انجینئر ضیاء الرحمان صاحب فرزند مفتی محمود رح