شہید کی بیوہ کو دیوروں نے مالی امداد کے لالچ میں قتل کردیا
بیوہ بھابی کا قتل
میانوالی (ڈیلی پاکستان لائن لائن) بیوہ بھابی کو دیوروں نے گلا دبا کر قتل کر دیا۔ مقتولہ کا شوہر قلات بلوچستان میں دہشت گردوں سے لڑتے ہوئے شہید ہو گیا تھا۔ ملزمان بیوہ کو ملنے والی امداد چھیننا چاہتے تھے۔
یہ بھی پڑھیں: ہونڈا کی مقبول سٹی کار کی نئی قیمت کا اعلان
قتل کا پس منظر
جیو نیوز کے مطابق، پولیس نے بتایا کہ شہید ایف سی اہلکار عطا اللہ شاہ کے تین بھائی واجبات اور مالی فوائد کی رقم حاصل کرنے کے لیے اس کی بیوہ پر دباؤ ڈال رہے تھے۔ مقتولہ نے واجبات کی رقم اور مالی مراعات ملزمان کے نام کرنے سے انکار کر دیا، جس کے بعد ملزمان نے مقتولہ کا گلا دبا کر قتل کر دیا اور فرار ہو گئے۔ پولیس کے مطابق قتل سے ایک دن پہلے مقتولہ کی عدت پوری ہوئی تھی۔
پولیس کی کارروائی
پولیس نے مقتولہ کے والد کی مدعیت میں قتل کا مقدمہ درج کرکے ملزمان کی تلاش شروع کر دی ہے۔
