خواتین حجاج کے لئے محرم کی شرط ختم

حج 2025 کی کامیابی

اسلام آباد (ڈیلی پاکستان آن لائن) وفاقی وزیر حج سردار محمد یوسف کا کہنا ہے کہ 2025ء کا حج کامیاب رہا اور سعودی حکومت نے ہمیں ایکسیلنس ایوارڈ دیا۔

یہ بھی پڑھیں: بین الاقوامی مارکیٹ سے سستا تیل خرید کر پاکستانی عوام کو مہنگے داموں بیچ کر حاصل ہونے والا منافع کس کی جیب میں جا رہا ہے، ماہر معاشیات فرخ سلیم کے سوال پر حکومت کا موقف بھی سامنے آگیا۔

قومی اسمبلی کی کمیٹی کا اجلاس

چیئرمین عامر ڈوگر کی زیر صدارت قومی اسمبلی کی قائمہ کمیٹی برائے وزارت مذہبی امور کا اجلاس منعقد ہوا۔ اجلاس میں وزیر مذہبی امور سردار محمد یوسف نے کمیٹی کو بریفنگ دی۔

یہ بھی پڑھیں: وفاقی وزیر برائے سمندر پار پاکستانیز کا قونصلیٹ جنرل آف پاکستان دبئی کا دورہ، خدمات کا جائزہ لیا

نئی حج پالیسی کی تشکیل

سردار یوسف نے کہا کہ نئی حج پالیسی بنائی جارہی ہے، اور اراکین کمیٹی اس کے لئے تجاویز دے سکتے ہیں۔ ہم چاہتے ہیں کہ حج 2026ء کے انتظامات بھی بہترین ہوں۔ ابھی تک حج کے لئے 4 لاکھ 55 ہزار افراد نے رجسٹریشن کروا دی ہے۔

یہ بھی پڑھیں: راولپنڈی کی باربی کیو پچ اور پاکستان کی وقار کی بحالی

محرم کی شرط میں تبدیلی

پبلک نیوز کے مطابق، چیئرمین کمیٹی عامر ڈوگر نے سوال کیا کہ بغیر محرم کے خواتین کے حج کے لیے کوئی تجویز زیر غور ہے؟

اس پر وفاقی وزیر سردار یوسف نے کہا کہ سعودی عرب نے خواتین حاجیوں کے لیے محرم کی شرط ختم کردی ہے۔ اس سال بھی حج کے اخراجات قسطوں میں لینے پر غور کیا جائے گا۔

بحری سفر کا آپشن

وزارت مذہبی امور کے حکام نے بتایا کہ حج و عمرہ اور زائرین کیلئے بحری سفر کے آپشن پر غور کیا جارہا ہے۔