احسن اقبال: صہیونی لابیاں پی ٹی آئی کو فنڈز فراہم کر رہی ہیں

احسن اقبال کا بیان

اسلام آباد (ڈیلی پاکستان آن لائن) ن لیگ کے رہنما اور وفاقی وزیرِ منصوبہ بندی احسن اقبال نے کہا ہے کہ پاکستان چونکہ ایٹمی طاقت ہے اس لیے اسرائیلی فوجی پاکستان پر براہِ راست حملہ نہیں کرسکتی۔ یہی سبب ہے کہ اسرائیل پی ٹی آئی کے ذریعے ملک میں عدم استحکام پیدا کرنے کی کوشش کر رہا ہے۔

یہ بھی پڑھیں: بابائے قوم جانتے تھے کسی ریاست کو مذہب کے نام پر نہیں چلایاجا سکتا،انکی وفات کے بعد ملک میں وہ قانون اور نظریہ نہیں رہا جس پر وہ عمل کرنا چاہتے تھے

پی ٹی آئی کی فنڈنگ

نجی ٹی وی کے پروگرام میں گفتگو کرتے ہوئے احسن اقبال نے کہا کہ صیہونی لابیز پی ٹی آئی کو فنڈنگ کر رہی ہیں۔ ایک صوبے کا وزیر اعلیٰ دارالحکومت پر یلغار کر رہا ہے۔ علی امین گنڈا پور کو چاہیے کہ ڈیرہ اسماعیل اور ٹانک کو دیکھیں جہاں رات کو گھر سے باہر قدم رکھنا ممکن نہیں۔

یہ بھی پڑھیں: پاکستان سٹاک ایکسچینج نے تاریخ کی نئی بلند ترین حد کو چھو لیا

سیرت و تاریخ کا حوالہ

وفاقی وزیرِ منصوبہ بندی کا کہنا تھا کہ آج 2014 کا ری پلے ہو رہا ہے۔ 2014 میں چینی صدر پاکستان تشریف لارہے تھے۔ ان کا دورہ سبوتاژ کیا گیا تھا جس کے نتیجے میں سی پیک میں ایک سال کی تاخیر ہوگئی تھی۔ اب پھر پاکستان میں ایس سی او کانفرنس ہونے والی ہے۔

عالمی سطح پر پاکستان کی کامیابی

چین اور روس کے صدور کے علاوہ وسطِ ایشیا کی ریاستوں کے سربراہانِ مملکت و حکومت آرہے ہیں۔ اسلام آباد میں ایک بڑا ایونٹ ہونے والا ہے۔ یہ عالمی سطح پر پاکستان کے لیے بڑی سفارتی کامیابی ہے۔