ایف بی آر نے پرتعیش زندگی گزارنے والے تاجروں کا ڈیٹا اکٹھا کر لیا

ایف بی آر کی کارروائی کا فیصلہ

لاہور(ڈیلی پاکستان آن لائن) فیڈرل بورڈ آف ریونیو نے کم ٹیکس دینے والے تاجروں کے خلاف کارروائی کا فیصلہ کر لیا ہے۔

یہ بھی پڑھیں: پاک فوج نے ابتک بھارت کے 77 ڈرونز گرا دیئے، سکیورٹی ذرائع

ٹیکس نہ دینے والوں کی چھان بین

ایف بی آر کے ذرائع سے پتہ چلا ہے کہ آمدنی کے مطابق ٹیکس نہ دینے والے صنعت کاروں اور تاجروں کے اثاثوں کی چھان بین کی جا رہی ہے، جس کے مطابق عالی شان بنگلوں اور بڑی کوٹھیوں میں رہنے والے بہت کم ٹیکس دے رہے ہیں۔

یہ بھی پڑھیں: کیا حکومت نے لاپتہ افراد کے اہلخانہ کو معاوضہ دیاہے؟ چیف جسٹس پشاور ہائی کورٹ ، وفاقی اور صوبائی حکومتوں سے رپورٹ طلب

نوٹس جاری کرنے کا عمل

ذرائع کا کہنا ہے کہ ایف بی آر لاہور پہلے مرحلے میں ٹیکس کم دینے والے صنعت کاروں اور تاجروں کو نوٹس جاری کرے گا۔ اگر جواب سے مطمئن نہ ہوا تو پھر قانونی کارروائی عمل میں لائی جائے گی۔

مختلف مارکیٹوں کے عہدیدار شامل

جیو نیوز کے مطابق ذرائع کا کہنا ہے کہ آمدن کے مطابق ٹیکس نہ دینے والوں میں مختلف مارکیٹوں کے صدور، چیمبر اور فیڈریشن کے موجودہ اور سابق عہدیدار شامل ہیں۔