بڑی خوشخبری، برطانیہ نے پاکستانی ایئر لائنز پر عمران خان دور حکومت میں وزیر ہوابازی کے پائلٹوں سے متعلق بیان کے بعد عائد کی گئی پابندیاں ختم کر دیں۔
برطانیہ کی جانب سے پابندیاں ہٹانے کا اعلان
لند ن (ویب ڈیسک) برطانیہ نے پاکستانی ایئر لائنز پر طویل عرصے سے عائد پابندیاں ختم کر دیں۔ واضح رہے کہ عمران خان کے دور حکومت میں مئی 2020ء میں کراچی میں پی آئی اے کے طیارے کو پیش آنے والے حادثے کے بعد اس وقت کے وزیر ہوا بازی نے پارلیمنٹ کو بتایا تھا کہ ہمارے ملک کے ایک تہائی کمرشل پائلٹس کے پاس بوگس ڈگریاں ہیں، جس کے بعد جون 2020ء میں برطانیہ اور یورپ کے لیے پاکستانی پروازوں پر پابندی عائد کر دی گئی تھی۔
یہ بھی پڑھیں: اسرائیل نے ایران کے اہم کمانڈر اور سپریم لیڈر کی قریبی ترین شخصیت کو شہید کرنے کا دعویٰ کر دیا
پابندیوں کا خاتمہ
تفصیل کے مطابق حکومت پاکستان ان پابندیوں کے خاتمے کے لیے مسلسل کوشاں تھی۔ گزشتہ برس نومبر میں یورپی یونین نے پاکستانی ائیر لائن کی یورپ کے لیے پروازوں پر سے پابندی اٹھا لی تھی، تاہم اب برطانیہ نے بھی پاکستانی ایئر لائنز پر عائد پابندی ہٹا لی ہے اور یہ سروس دوبارہ 14 اگست سے شروع ہونے جارہی ہے۔
یہ بھی پڑھیں: سموگ کے خاتمے کیلئے کلائیمٹ ڈپلومیسی کی تجویز پر اتفاق
پروازوں کی درخواست کی تیاری
برطانوی ہائی کمیشن کا کہنا ہے کہ پاکستانی ایئر لائنز اب برطانیہ کے لیے پروازوں کی درخواست دے سکتی ہے۔ ایئرلائنز کو پروازوں کے لیے یو کے سی اے اے سے اجازت لینا ہوگی۔
بریکنگ نیوز:
برطانیہ نے پی آئی اے اور پاکستانی ائرلائنز پر پابندیاں ختم کر دیں جو کہ عمران خان دور کے ایک وفاقی وزیر کے احمقانہ بیان پر لگائی گئی تھیں .. pic.twitter.com/d8iqMJzmLJ— Waseem Abbasi (@Wabbasi007) July 16, 2025
ہائی کمشنر کا بیان
برطانوی ہائی کمشنر جین میریٹ نے کہا کہ سیفٹی لسٹ سے اخراج آزاد اور تکنیکی عمل کے تحت ہوا۔ میں پاکستانی ایئر لائنز سے سفر کی منتظر ہوں، پاکستان کے ساتھ فضائی رابطوں میں بہتری خاندانوں کے ملاپ میں مدد دے گی۔
