متحدہ عرب امارات سے 5 مطلوب اشتہاری گرفتاری کے بعد پاکستان منتقل

متحدہ عرب امارات سے مطلوب اشتہاریوں کی گرفتاری

اسلام آباد(ڈیلی پاکستان آن لائن) متحدہ عرب امارات سے 5 مطلوب اشتہاریوں کو گرفتار کرکے پاکستان منتقل کردیا گیا۔

یہ بھی پڑھیں: نواز شریف کی غریب نواز بیٹی

سی سی ڈی کا کامیاب آپریشن

نجی ٹی وی چینل ایکسپریس نیوز کے مطابق ترجمان کا کہنا ہے کہ بیرون ملک فرار اشتہاریوں کے خلاف سی سی ڈی کا کامیاب آپریشن جاری ہے، اس دوران اسپیشل آپریشن سیل نے متحدہ عرب امارات سے 5 مطلوب اشتہاریوں کو گرفتار کر لیا۔

یہ بھی پڑھیں: پی سی بی کا بڑا فیصلہ ؛ اسلام آباد کی تمام زونل کرکٹ ایسوسی ایشنز کے انتخابات کالعدم قرار دے دیئے۔

گرفتار ملزمان کی تفصیلات

گرفتار ملزمان سی سی ڈی کو قتل اور مالی فراڈ کے مختلف مقدمات میں مطلوب تھے۔ سی سی ڈی ٹیم پانچوں اشتہاریوں کو لے کر یو اے ای سے پاکستان کے لیے روانہ ہوئی۔ گرفتار ملزمان میں قتل کے مقدمے میں سیالکوٹ پولیس کو مطلوب اشتہاری محمد جمیل بھی شامل ہے۔

یہ بھی پڑھیں: جناح ہسپتال کے ایگزیکٹو ڈائریکٹر شاہد رسول انتقال کرگئے

دیگر گرفتار ملزمان

علاوہ ازیں نارووال پولیس کو قتل کے مقدمے میں مطلوب گل باز خان کو بھی گرفتار کر لیا گیا ہے۔ اسی طرح فیصل آباد پولیس کو قتل کے مقدمے میں مطلوب ملزم محمد الیاس کو بھی گرفتار کیا گیا ہے۔ گرفتار اشتہاری نوید ڈار لاہور پولیس کو مالی فراڈ کے مقدمے میں مطلوب تھا۔

اس کے علاوہ فیصل آباد پولیس کو مالی فراڈ کے مقدمے میں مطلوب شہزام خورشید کو بھی یو اے ای سے گرفتار کیا گیا ہے۔

ترجمان کی بیان

ترجمان کے مطابق سی سی ڈی ٹیم پانچوں اشتہاریوں کو لے کر آج لاہور پہنچنے گی۔ بیرون ملک بیٹھ کر پاکستان میں جرائم کرنے یا کروانے کی ہرگز اجازت نہیں دی جا سکتی۔ پاکستان میں جرائم کر کے بیرون ملک فرار اشتہاریوں کو ہر قیمت پر گرفتار کر کے پاکستان لایا جائے گا۔ قانون سے کوئی بالاتر نہیں، بیرون ملک فرار اشتہاریوں کے ساتھ آہنی ہاتھوں سے نمٹا جائے گا۔