این ڈی ایم اے کی ملک میں 24 گھنٹوں کے دوران مزید بارشوں کی پیشگوئی

شدید بارشوں کا امکان

اسلام آباد (ڈیلی پاکستان آن لائن) نیشنل ڈیزاسٹر مینجمنٹ اتھارٹی (این ڈی ایم اے) نے آئندہ 24 گھنٹوں کے دوران ملک میں شدید بارشوں کا خدشہ ظاہر کیا ہے۔

یہ بھی پڑھیں: 25 اکتوبر تک آئینی ترمیم: نہ ضروری، نہ مجبوری – بلاول بھٹو

راولپنڈی اور اسلام آباد کے لیے خبردار

ترجمان این ڈی ایم اے کے مطابق راولپنڈی اور اسلام آباد میں 24 سے 48 گھنٹوں تک وقفے وقفے سے تیز بارش کا امکان ہے۔ جس کے باعث نالہ لئی میں ممکنہ طغیانی اور نشیبی علاقوں میں سیلابی صورتحال کا امکان ہو سکتا ہے۔

یہ بھی پڑھیں: خیبر پختونخوا اسمبلی میں گرماگرمی: حکومت اور اپوزیشن ارکان آمنے سامنے

انخلاء کی تیاری

ترجمان کا کہنا ہے کہ نالہ لئی کے قریبی اور نشیبی علاقوں کے مکین خطرے کا سائرن بجنے پر فوری انخلاء کی تیاری رکھیں۔ شہری متعلقہ اداروں کے ساتھ تعاون کریں، این ڈی ایم اے اور متعلقہ اداروں کی جانب سے بروقت اقدامات کو یقینی بنایا جا رہا ہے۔

دیگر علاقوں میں بارش کی توقع

ترجمان این ڈی ایم اے نے کہا کہ لاہور، چکوال، اٹک، جہلم، خوشاب، سرگودھا، گجرات، گوجرانوالہ، فیصل آباد، سیالکوٹ، نارووال، اوکاڑہ، قصور، شیخوپورہ اور حافظ آباد میں بھی شدید بارش کا امکان ہے۔ شدید بارشوں کے خدشے کے پیش نظر شہروں میں سیلابی صورتحال اور ندی نالوں میں طغیانی کا خدشہ ہے۔