بیرسٹر گوہر نے 5 اگست کی تحریک کے حوالے سے کارکنوں کو اہم ہدایات جاری کر دیں

پاکستان تحریک انصاف کے چیئرمین کی ہدایات

اسلام آباد (ڈیلی پاکستان آن لائن) پی ٹی آئی چیئرمین بیرسٹر گوہر نے 5 اگست کی تحریک کے حوالے سے کارکنوں کو اہم ہدایات جاری کر دیں۔

یہ بھی پڑھیں: غلطیوں پر معافی مانگتا ہوں، سوشل میڈیا کا بائیکاٹ کر دیا: کرکٹر احسان اللہ

پارلیمانی پارٹی کی ہدایت

’’جیو نیوز‘‘ کے مطابق چیئرمین تحریک انصاف بیرسٹر گوہر نے کہا ہے کہ پارلیمانی پارٹی نے کارکنوں کو جھگڑا نہ کرنے اور ساری توجہ عمران خان کی رہائی پر رکھنے کی ہدایت کی ہے۔ پارلیمانی پارٹی کے اجلاس کے بعد میڈیا سے گفتگو میں بیرسٹر گوہر نے کہا کہ بانی پی ٹی آئی عمران خان نے ہدایات دی ہیں کہ آپس کے اختلاف ختم کریں اور تحریک انصاف کے پارلیمانی رہنما 5 اگست تک تحریک کو پیک پر لے جائیں گے۔

عمران خان کے ساتھ ناروا سلوک کی مذمت

پارلیمانی پارٹی کے شرکاء نے عمران خان سے جیل میں ناروا سلوک کی شدید مذمت کی اور مطالبہ کیا ہے کہ بانی پی ٹی آئی تک پارٹی لیڈرز اور وکلا کو رسائی دی جائے۔