ستاروں کی روشنی میں آپ کا آئندہ ہفتہ کیسا گزرے گا ؟

برج حمل ، سیارہ مریخ، 21 مارچ سے 20 اپریل

آپ کو ان دنوں جس قسم کی مشکلات کا سامنا ہے، انشاءاللہ آپ اس میں سے حیران کن طریقے سے نکل آئیں گے، قدرتی مدد حاصل ہوگی۔ اس کے علاوہ مالی طور پر بھی انشاءاللہ بہتری نصیب ہوگی۔ جس بھی معاملے میں رکاوٹیں آ رہی تھیں، وہ تیزی سے دور ہوں گی۔ جن افراد کو اپنے یا اولاد کے رشتے کے حوالے سے بندش کا سامنا تھا، وہ ٹوٹ گئی ہے، خوشخبری ملنے والی ہے۔

یہ بھی پڑھیں: عمران خان سول نافرمانی کی دشمنانہ خواہش پوری کر لیں: عطا تارڑ

برج ثور، سیارہ زہرہ، 21 اپریل سے 20 مئی

وراثتی امور میں انشاءاللہ آپ کو اپنا حق مل کر رہے گا۔ آپ کافی عرصے سے اس حوالے سے پریشان تھے۔ اب قدرتی وسائل مل جائیں گے اور ان لوگوں سے فائدہ ملے گا جن سے کبھی امید بھی نہ تھی۔ جو لوگ عرصہ دراز سے بے روزگار تھے، اب ان کو اس حوالے سے اچھی خبریں ملنا شروع ہو جائیں گی۔ اس وقت حالات مالی لحاظ سے اچھی طرف جا رہے ہیں۔ قرض وغیرہ ادا ہو سکے گا۔

یہ بھی پڑھیں: ڈپٹی وزیراعظم اسحاق ڈار کی تقرری لاہور ہائیکورٹ میں چیلنج

برج جوزہ، سیارہ عطارد، 21 مئی سے 20 جون

آپ خاندانی معاملات میں ضرورت سے زیادہ ہی دلچسپی لیتے ہیں جس کی وجہ سے ایک بھی فائدہ حاصل کرنے میں کامیاب نہیں ہو رہے، کیونکہ یہاں صرف وقت ضائع ہو رہا ہے۔ جو لوگ ان دنوں صرف اپنے روزگار اور اپنے مستقبل پر توجہ دیں گے، وہ آگے چل کر زندگی کو انشاءاللہ خوبصورت انداز سے بدلتے ہوئے دیکھیں گے۔ ان دنوں آپ کی توجہ صرف اور صرف اپنے کاموں پر ہونی چاہیے۔

یہ بھی پڑھیں: امریکی صدر ڈونلڈ ٹرمپ کے دورہ چین کا امکان

برج سرطان، سیارہ چاند، 21 جون سے 20 جولائی

ایک بڑا فائدہ انشاءاللہ جلد آپ کے پاس آ رہا ہے جس کی وجہ سے آپ کی بہت بڑی پریشانی انشاءاللہ ختم ہو سکے گی۔ ان دنوں قرض لینے اور دینے میں بھی آسانیاں ہوں گی۔ جو لوگ خود کو عرصہ دراز سے بندش میں مبتلا سمجھ رہے تھے، وہ بھی اس جگہ سے نکلنے میں کامیاب ہوں گے اور روزانہ کے حساب سے ایک درجہ بہتری حاصل کرلیں گے۔ ان دنوں ملازمت پیشہ افراد کا تبادلہ ممکن ہے۔

یہ بھی پڑھیں: ڈیرہ غازی خان میں علاقائی دفتر کا افتتاح، دور دراز علاقوں میں عوام کو انصاف فراہم کر رہے ہیں: وفاقی محتسب

برج اسد، سیارہ شمس، 21 جولائی سے 21 اگست

آپ جلد ہی اپنے پریشان کن ماحول سے نکل آئیں گے اور بہتری میں داخل ہو سکیں گے۔ جو بھی مسئلہ ہے وہ حل ہوگا اور آپ کو حقوق العباد کے حوالے سے بھی اب اپنا کردار ادا کرنے کا موقع ملے گا جو اللہ پاک کی خوشنودی حاصل کرنے کا ذریعہ بنے گا۔ اپنوں سے اب جھگڑا نہیں کرنا، معاف کر دینا اور درگزر سے کام لینا آپ کی عزت وقار میں اضافہ کرے گا، انشاءاللہ۔

یہ بھی پڑھیں: المصطفیٰ ہسپتال غریب اور نادار افراد کیلیے نعمت ثابت ہو گا:ہزارہ یونیورسٹی میں تقریب سےعبدالرزاق ساجد و مقررین کا خطاب

برج سنبلہ، سیارہ عطارد، 22 اگست سے 22 ستمبر

جو لوگ کافی دنوں سے کسی بھی مشکل میں چلے آ رہے تھے، وہ انشاءاللہ تیزی سے اس سے نکل رہے ہیں اور اگلے دو تین یوم میں مکمل نجات حاصل کرنے میں کامیاب ہوں گے۔ ان دنوں ان لوگوں کا رشتہ وغیرہ بھی طے ہو سکے گا جو عرصہ دراز سے اس بندش کا شکار تھے، رشتہ من پسند جگہ پر ہونے کا امکان موجود ہے۔ جو لوگ کاروباری ہیں، انہیں سابقہ نقصان کا ازالہ بھی ہو سکے گا۔

یہ بھی پڑھیں: پیٹرولیم مصنوعات مہنگی ہونے کے بعد ریلوے نے بھی کرائے بڑھا دیے

برج میزان، سیارہ زہرہ، 23 ستمبر سے 22 اکتوبر

آپ ضرورت سے زیادہ ہی ہر بات کو دل پر لگا لیتے ہیں، پھر ٹینشن کی وجہ سے اپنی صحت بھی خراب کرلیتے ہیں۔ حالانکہ جو اللہ پاک کی طرف سے ہونا ہے وہ تو ہو کر رہے گا، بس آپ خیر کی دعا مانگا کریں۔ ان دنوں آپ کی زندگی میں تبدیلی کے حوالے سے ایک بڑی خبر آ رہی ہے جو لوگ اس کو حاصل کرنا چاہتے ہیں، وہ بسم اللہ کریں، بڑی امید ہے آگے چل کر بڑا فائدہ حاصل ہوگا۔

یہ بھی پڑھیں: پنجاب میں تیز ترین ترقی کے جدید دور کا آغاز ہوچکا ہے: وزیر اعلیٰ مریم نواز

برج عقرب، سیارہ مریخ، 23 اکتوبر سے 22 نومبر

بندش جیسی صورتِ حال ہے اور اس میں شدید رکاوٹیں بھی آ رہی ہیں۔ جو بھی کام کرنا چاہتے ہیں، اس میں رکاوٹیں آ جاتی ہیں۔ اس وقت آپ کو روحانی طور پر مضبوط ہونا پڑے گا۔ باوضو رہیں، نماز کی پابندی کریں اور یا کریم، یا سلام، یامو من، یا اللہ، 1000 مرتبہ دن میں پڑھ لیا کریں، پھر انشاءاللہ اس کے فائدے دیکھیں، آپ تیزی سے ہر مشکل سے نکل جائیں گے، فکر نہ کریں۔

یہ بھی پڑھیں: اسرائیل نے ایران کے ٹی وی سٹیشن پر حملہ کردیا

برج قوس، سیارہ مشتری، 23 نومبر سے 20 دسمبر

آپسی رشتے بڑی تیزی سے خراب ہو رہے ہیں۔ غلط فہمیاں بہت پیدا ہو رہی ہیں اور اگر ان کو جلد ٹھیک نہ کیا تو یہ رشتے نہ صرف ختم ہو جائیں گے بلکہ دشمنی میں بھی بدل جائیں گے، اس لئے وہ کام کریں کہ آنے والی نسل کو بھی اس سے بچایا جائے، جو لوگ نرم دل رکھ کر چلیں گے تو پھر اللہ پاک بھی ان کی مدد فرمائیں گے۔ بہرحال اولاد کے اوپر بھی گہری توجہ دینا ہوگی، یہ ضروری ہے۔

یہ بھی پڑھیں: او آئی سی کے نمائندہ خصوصی کی قیادت میں اعلیٰ سطحی وفد کا مظفرآباد، آزاد جموں و کشمیر کا دورہ

برج جدی، سیارہ زحل، 21 دسمبر سے 19 جنوری

ان لوگوں سے دور رہیں جو ماضی میں بھی درد سر رہے ہیں اور اب بھی بن سکتے ہیں، اتنی جلدی پرانی باتوں کو کیوں بھول رہے ہیں۔ آپ کو ان سے کوئی فائدہ نہیں ملے گا۔ ابھی وقت ہے اپنا قبلہ درست کرلیں اور صرف اپنے روزگار پر توجہ دیں، دل کو بھی لگام ڈالیں، یہ بغیر عمر دیکھے وہ حرکتیں کرنے پر مجبور کر رہا ہے جو بدنامی کا باعث بنیں گی اور گناہوں میں مبتلا بھی کریں گی۔

یہ بھی پڑھیں: گوریلا جنگ یا اینارکائزیشن، امریکی حملے کی صورت میں وینیز ویلا کی جنگی حکمت عملی سامنے آگئی

برج دلو، سیارہ زحل، 20 جنوری سے 18 فروری

آپ شرارتی کاموں سے دور رہیں اور ایسے کام نہ کریں جو بعد میں پچھتاوے کا سبب بن جائیں۔ آپ اکیلے نہیں ہیں، پوری فیملی بھی تو ساتھ ہے۔ ان کو بھی تو دیکھنا ہوگا، بہرحال توبہ کا دروازہ کھلا ہے، جس قدر جلد ممکن ہو، واپسی کا راستہ اختیار کریں تاکہ جو اچھا وقت چل رہا ہے اس سے فائدہ اٹھائیں تاکہ زندگی کی گاڑی کو خوبصورت انداز سے چلایا جا سکے۔

برج حوت، سیارہ مشتری، 19 فروری سے 20 مارچ

یہ ہفتہ بحکم اللہ بڑا ہی شاندار ثابت ہوگا۔ آپ اللہ کا نام لے کر جس بھی کام میں ہاتھ ڈالیں گے، وہ ہو جائے گا، جس مقصد کے لئے قدم اٹھائیں گے، وہ پورا ہوگا اور آپ کی مالی پوزیشن بھی مضبوط ہو سکے گی۔ خواہشمند افراد روزگار کے حوالے سے بیرون ملک سفر کر سکیں گے، وہ اپنی تیاری شروع کرلیں، اچھی خبر آنے والی ہے۔ جو من پسند جگہ رشتہ طے کرنے کی آرزو رکھتے ہیں، وہ پوری ہو سکتی ہے۔