ڈاکٹر عافیہ صدیقی کی رہائی سے متعلق کیس؛ وزیراعظم اور کابینہ ارکان کو توہین عدالت کے نوٹس جاری
اسلام آباد ہائیکورٹ کا فیصلہ
اسلام آباد (ڈیلی پاکستان آن لائن) اسلام آباد ہائیکورٹ نے ڈاکٹر عافیہ صدیقی کی رہائی سے متعلق کیس میں وزیراعظم اور کابینہ ارکان کو توہین عدالت کے نوٹس جاری کر دیئے۔
یہ بھی پڑھیں: مشکوک ایکشن ، شکیب الحسن کو بولنگ کرانے سے روک دیا گیا
نوٹس کی تفصیلات
نجی ٹی وی چینل جیو نیوز کے مطابق، ڈاکٹر عافیہ صدیقی کی رہائی سے متعلق کیس میں اسلام آباد ہائیکورٹ نے وزیراعظم شہبازشریف کو توہین عدالت کا نوٹس جاری کردیا۔ عدالت نے وفاقی کابینہ کے ارکان کو بھی توہین عدالت کے نوٹس جاری کردیئے۔
تحریری حکم
اسلام آباد ہائیکورٹ کے جسٹس سردار اعجاز اسحاق نے تحریری حکم جاری کردیا۔ جسٹس سردار اعجاز اسحاق نے تین صفحات پر تحریری حکمنامہ جاری کیا، اور اسلام آباد ہائیکورٹ نے دو ہفتوں میں نوٹس پر جواب طلب کرلیا۔
