حمیرا اصغر کے کیمرے سے سفید پاؤڈر ملا ہے جس تجزیے کے لیے لیبارٹری بھجوا دیا ہے، پولیس
تحقیقات کا آغاز
کراچی(ڈیلی پاکستان آن لائن) ماڈل و اداکارہ حمیرا اصغر کی لاش ملنے کے معاملے کی تفتیش جاری ہے۔ حمیرا کے فلیٹ میں تین سے چار جگہ پر مٹی کے برتن میں سفید پاؤڈر رکھا ہے۔
یہ بھی پڑھیں: دشمن کے 5 جنگی جہاز گرانا ہماری افواج کی صلاحیت اور تیاری کا ثبوت ہے: اویس لغاری
پولیس کی کارروائیاں
سماء نیوز کے مطابق پولیس نے سفید پاؤڈر کیمیکل تجزیے کے لیے لیبارٹری بھیجنے کا فیصلہ کیا ہے۔ بظاہر اتنی جگہوں پر سفید پاؤڈر رکھنے کی کوئی وجہ سامنے نہیں آئی ہے۔ پولیس ذرائع کا کہنا ہے کہ ممکنہ طور پر سفید پاؤڈر کی وجہ سے لاش کی بدبو نہ پھیلی ہو۔ کیمیکل تجزیے کے بعد ہی معلوم ہوسکے گا کہ سفید پاؤڈر کیا ہے؟ پولیس اب تک اس بات کی کھوج میں ہے کہ لاش کی بدبو کیوں نہیں پھیلی۔ اداکارہ کے کپڑے بھی فلیٹ سے لے کر کیمیکل تجزیے کے لیے بھیجے جائیں گے۔
یہ بھی پڑھیں: 1 مئی کے کیس: پی ٹی آئی ایم این اے اور سابق ایم پی اے سمیت 11 ملزمان کو سزائیں
اداکارہ کی زندگی کا پس منظر
واضح رہے کہ 8 جولائی کو اداکارہ حمیرا اصغر کی لاش کراچی کے علاقے ڈیفنس فیز 6 میں ایک فلیٹ سے ملی۔ وہ گزشتہ 7 سال سے اس کرائے کے فلیٹ میں مقیم تھیں اور 2018ء میں لاہور سے کراچی منتقل ہوئی تھیں۔ ایس ایس پی ساؤتھ مہزور علی کے مطابق خاتون فلیٹ میں 7 سال سے اکیلی رہ رہی تھیں اور 2024ء سے کرایہ نہیں دے رہی تھیں۔
لاش کی دریافت کی تفصیلات
کلفٹن کنٹونمنٹ بورڈ میں مالک مکان نے کیس کیا تھا۔ بیلف آیا تو دروازہ بند تھا۔ دروازہ نہ کھلنے پر توڑا گیا تو کمرے میں زمین پر خاتون کی لاش پڑی تھی۔
