ڈھاکہ میں وزیرداخلہ محسن نقوی کی بنگلہ دیش کے وزیر داخلہ لیفٹیننٹ جنرل(ر) جہانگیر عالم چودھری سے ملاقات، اہم فیصلے

وفاقی وزیرداخلہ محسن نقوی کی بنگلہ دیش کے وزیر داخلہ سے ملاقات

ڈھاکہ (ڈیلی پاکستان آن لائن) وفاقی وزیرداخلہ محسن نقوی کی بنگلہ دیش کے وزیر داخلہ لیفٹیننٹ جنرل (ر) جہانگیر عالم چودھری سے ڈھاکہ میں ملاقات ہوئی۔ وفاقی وزیرداخلہ محسن نقوی کا وزارت داخلہ آمد پر بنگلہ دیشی ہم منصب نے پرتپاک خیرمقدم کیا۔ وزیرداخلہ محسن نقوی کو گارڈ آف آنرز پیش کیا گیا۔ ملاقات میں باہمی دلچسپی کے امور اور پاک، بنگلہ دیش دوطرفہ تعلقات پر تبادلۂ خیال کیا گیا۔

یہ بھی پڑھیں: پنجاب حکومت نے بانی پی ٹی آئی سے ملاقاتیں کرنے پر کسی کو نہیں روکا: عظمیٰ بخاری

ویزوں کی سہولت میں پیش رفت

تفصیلات کے مطابق ملاقات میں سفارتی و سرکاری پاسپورٹس پر ویزا فری انٹری پر بڑی پیش رفت ہوئی۔ پاکستان اور بنگلہ دیش نے سفارتی و سرکاری پاسپورٹس کو ویزا فری انٹری کی سہولت دینے کا اصولی فیصلہ کر لیا۔ دونوں وزرائے داخلہ نے انٹرنل سیکیورٹی اور پولیس ٹریننگ کے شعبوں میں تعاون بڑھانے پر اتفاق کیا، انسداد منشیات و انسداد انسانی سمگلنگ کے لیے اشتراک کار بڑھانے پر بات چیت ہوئی اور انسداد دہشت گردی کے لیے مشترکہ اقدامات پر بھی تبادلۂ خیال کیا گیا۔

یہ بھی پڑھیں: قوتِ گویائی سے محروم لڑکی پر کمرے میں بند کرکے تشدد؛ سیف سٹی نے اشارہ سمجھ کر بچا لیا

پولیس ٹریننگ کے حوالے سے گفتگو

دونوں رہنماؤں میں پولیس اکیڈمیز میں ٹریننگ پروگرامز کے باہمی تبادلوں پر بھی گفتگو ہوئی۔ بنگلہ دیش کے وزیر داخلہ نے کہا کہ ڈھاکہ آمد پر اپنے بھائی (محسن نقوی) کو دل کی اتھاہ گہرائیوں سے خوش آمدید کہتے ہیں، آپ کا دورہ پاک، بنگلہ دیش دوطرفہ تعلقات کو فروغ دینے کیلئے انتہائی اہم ہے۔

یہ بھی پڑھیں: حکومت خود آئین و دستور کی وفاداری ترک کرنے لگے تو آئینی نظام کی پاسداری اور قانون کی حکمرانی کے حصول کا نصب العین کبھی ممکن نہ ہو سکے گا

مشترکہ کمیٹی کا قیام

بنگلہ دیشی وزیر داخلہ نے پولیس ٹریننگ کی پیشکش پر وزیر داخلہ محسن نقوی کا شکریہ ادا کیا۔ اس موقع پر بنگلہ دیش کے ساتھ انسداد دہشت گردی، منشیات و انسداد انسانی سمگلنگ کے حوالے سے بھی گفتگو ہوئی۔ پاک، بنگلہ دیش دوطرفہ تعاون کو فروغ دینے کیلئے مشترکہ کمیٹی تشکیل دی گئی، پاکستان کی طرف سے وفاقی سیکرٹری داخلہ خرم آغا کمیٹی کے سربراہ ہوں گے۔ بنگلہ دیش کا اعلیٰ سطح کا وفد عنقریب سیف سٹی پراجیکٹ اور نیشنل پولیس اکیڈمی کا دورہ کرنے اسلام آباد آئے گا。

ملاقات میں شریک حکام

Bنگلہ دیش کے وزیر مملکت داخلہ خدا بخش، سیکرٹری داخلہ نسیم الغنی، ایڈیشنل سیکرٹری سیکیورٹی ڈویژن شمیم خان، پاکستانی ہائی کمیشن کے ناظم الامور محمد واصف، پولیٹیکل قونصلر کامران دہینگل اور اعلیٰ حکام بھی اس موقع پر موجود تھے۔